Kơ-iăng khua dêh čar, Khua ding jum ơi Bùi Thanh Sơn lăi pơtong, dêh čar Lao lĕ ding kơna glăm ba, hơmâo tơlơi gơgrong hăng boh pơhiăp ƀrư̆ hrơi dưi lăng yôm, djru hrŏm hiam klă amăng bruă pơđĭ kyar, hơđong kjăp amăng kual, laih dơ̆ng pơtrut ngă hrŏm plah wah amăng kual ASEAN hăng hơdôm bơnah, yua kơ tơlơi rơnuk rơnua, hơđong hăng pơdrong sah amăng kual laih anun ƀơi rŏng lŏn tơnah.

Lăi pơtong, Việt Nam lăng yôm, pơpŭ biă mă hăng pioh anŏ đing nao hlâo hloh kơ bruă rô nao rai plah wah Việt Nam-Lao, Kơ-iăng Khua dêh čar lăng yôm bruă ngă hrŏm anom bruă apui yua hăng mă hơdăng pơtâo Việt Nam-Lao thun blan rơgao hơmâo ba glăi boh tŭ yua klă hiam, djop bruă mă dưi ngă hrŏm mơak, pơđĭ kyar na nao. Rơkâo dua bơnah kiăng pơtrut tui bruă ngă hrŏm djop gưl, pơblih khua mua čuă jơmư nao rai lu hloh, Khua ding jum ơi Phosay Sayasone đăo kơnang biă mă kơ bruă ngă hrŏm anai, amra pơtrut jai hrơi jai hơmâo boh tŭ yua lu hloh pơ anăp adih.