Kơ-iăng Khua dêh čar ơi Lê Minh Khái lăi pơtong, bruă wai lăng nua sĭ mơdrô mơng akŏ thun bưp lu tơlơi tơnap tap yua mơng lu tơlơi ba truh. Tơlơi bơwih ƀong huă amăng rŏng lŏn tơnah bưp tơnap tap, ƀu hmao thâo. Prăk trun nua samơ̆ ăt dưi bong glăi mơn. Amăng lŏn ia, nua sĭ mơdrô bưp lu tơlơi tơnap, samơ̆ ăt kiăo tui tơlơi ba tơbiă. Rĭm thun tui tơlơi juăt ƀuh, hơdôm blan akŏ thun đĭ hăng hrŏ trun ƀơƀrư̆ truh blan 4, blan 5/2024.

Yua anun, Khua khul git gai wai lăng nua sĭ mơdrô rơkâo djop ding jum, gơnong bruă, gong gai ƀon lan anăm ngă amưng amăng bruă wai lăng. Kiăng gơgrong bong glăi hơdôm tơlơi lông amăng wai lăng nua sĭ mơdrô hơdôm blan dŏ glăi thun 2024, Kơ-iăng Khua dêh čar Lê Minh Khái rơkâo djop ding jum, gơnong bruă, gong gai ƀon lan gơgrong pơtrut pok pơhai ngă tui hơdôm hơdră mơng Kơnuk kơna, Khua dêh čar tui hră pơ-ar git gai hăng tơlơi črâo trun mơng Kơ-iăng Khua dêh čar amăng hơdôm hră lăi pơthâo klah čun jơnum mơng Khul tui tơđar.