Sui mơng anai 50 thun, tui tơlơi git gai kơsung blah sua glăi puih kơđông tơhan hăng kuận Đăk Pek hơđăp hơmâo ba tơbiă mơng anom bruă git gai ling tơhan pơklaih rơngai. Tơdơi kơ 4 mông blah ngă, ling tơhan dưi sua glăi puih kơđông tơhan hăng kuận Đak Pek hơđăp, pơklaih rơngai đơ đam dua boh tơring glông H30, H40, ră anai lĕ tơring glông Đăk Glei, tơring čar Kon Tum.

Puih kơđông ayăt ƀơi Đăk Pek dưi sua glăi, anih wai pơgang mơng tơhan Ngụy Sài Gòn rôk tui jơlan mrô 14 pơrai hĭ laih pok jơlan Ngŏ Trường Sơn, tô nao pơ Quân khu 5, kual Dap kơdư hăng Ngŏ Dơnung. Blah dưi Đăk Pek ngă gêh gal kiăng pơklaih rơngai kual Dap kơdư, pơgôp yôm phăn amăng tal kơsung blah hăng hơkrŭ bơyan bơnga thun 1975, pơklaih rơngai kual Dơnung, lŏn ia pơlir hơbit.