Kon Tum: Kiăng pơsir tañ ring bruă pơkong ia, anŏ čơđang ƀơi hang ia krông Pôkô
Thứ bảy, 06:17, 03/06/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Tơdơi kơ 14 thun pok pơhai ngă tui, ba yua lu ring bruă man pơkra pơgang lŏn tơhlom hang ia krông Pô Kô, hang gah ngŏ, črăn găn nao pơ tơring kual Đak Glei, tơring glông Đak Glei, tơring čar Kon Tum glông ataih 2 km truh ră anai dŏ aka ƀu ngă giong ôh, khom brơi pơsir hlâo kơ truh bơyan hơjan hlim pơ anăp.
Ring bruă man pơkra pơgang tơhlom hang ia krông Pô Kô, črăn găn nao ƀơi tơring kual Đak Glei, tơring glông Đak Glei, tơring čar Kon Tum glông ataih 2 km, rơnoh prăk tuh pơ alin man pơkra abih 93 klai prăk. Tơdơi kơ 5 thun pok pơhai mă bruă truh thun 2013, ring bruă pơdơi hĭ ƀah wư, rơnoh tuh pơ alin ngă giong abih 25 klai prăk.
Truh thun 2019 ring bruă phrâo hơmâo Jơnum min mơnuih ƀôn sang tơring čar Kon Tum kah pơpha rơnoh prăk tuh pơ alin hơdôm črăn dơ̆ng hăng rơnoh prăk 12 klai. Lơ 16/12/2021 ring bruă pơgang anŏ tơhlom hang ia krông Pô Kô, črăn găn nao pơ tơring kual Đak Glei, tơring glông Đak Glei ngă giong đơ črăn phun, samơ̆ truh ră anai ring bruă aka ƀu jao sit nik ba yua ôh samơ̆ răm tui laih.
Viết bình luận