Mơguah lơ 24/7, Khua dêh čar ơi Phạm Minh Chính git gai Jơnum kơnuk kơna kơ bruă čih pơkra tơlơi phiăn blan 7/2024 kiăng pơčrông sai, sem lăng tơlơi pơgôp hiăp mơng črăn tơlơi phiăn apui lơtrik (čih pơkra glăi); črăn tơlơi phiăn bruă mă; rơkâo čih pơkra tơlơi phiăn djru ječ; rơkâo čih pơkra tơlơi phiăn boh thâo ia rơgơi (čih pơkra glăi) hăng Akŏ bruă tuh pơ alin man pơkra jơlan rơdêh đuăi hmar mơng Kơdư-Dơnung.

Khua dêh čar lăi pơtong, rơngiao kơ bruă lăng yôm kơ bruă hơmâo lu, djơ̆ hrơi mông, kiăng đing nao bruă pơhlôm čih pơkra hơdôm hră pơ-ar djơ̆ tơlơi phiăn; amăng anun, Khua dêh čar đing nao kơ bruă kah gưl, pơpha gưl, hrŏm hăng bruă pơhrua rơnoh prăk, bruă mă mơng gưl yŭ, pơkra pơjing gơnam krăo lăng, pel ĕp; pơgang, pơgăn hưp ƀong kông ngă, bruă ngă soh amăng čih pơkra hră pơ-ar djơ̆ tơlơi phiăn. Khua dêh čar rơkâo, kiăng lăng yôm bruă pơhrŏ hră pơ-ar, lui hĭ abih bruă “rơkâo-brơi”; plai ƀiă ngă glêh tơnap brơi hơdôm anih anom, mơnuih ƀôn sang, anom bơwih ƀong sĭ mơdrô, sit biă ñu lĕ pơhlôm pơplih ngă hră pơ-ar mơ̆ Kơnuk kơna hơmâo pơphun jơnum rĭm rơwang.