Jơnum anai pơphun lăng nao rai mơng ataih hăng hơdôm boh tơring car kiăng lăng glăi tơlơi bơwih ƀong huă-mơnuih mơnam amăng blan 1 hăng bruă jao akŏ phun amăng blan 2; bruă pok pơhai jơlan hơdră hơkrŭ glăi hăng pơđĭ kyar bơwih ƀong huă -mơnuih mơnam; bruă kah pha, jao prăk tuh pơ alin bruă čar; bruă pok pơhai 3 jơlan hơdră tui hơnong pơkă dêh čar; tơlơi črâo trun pơjing akŏ bruă anih djă pioh hră pơ-ar dêh čar, sit biă ñu, pok pơhai hơdôm bruă jao tơdơi kơ Tết tui tơlơi črâo trun mrô 3 mơng Khua dêh čar.

Hră lăi pơthâo amăng mông jơnum brơi ƀuh, blan laih rơgao pơphun lu bruă bơwih ƀong, kơđi čar, mơnuih mơnam hăng pơtom hiăp yôm phăn. Tơdơi kơ tal Jơnum kơnuk kơna hăng hơdôm boh ƀon lan, Kơnuk kơna hơmâo tơlơi pơtrun mrô 01 pok pơhai bruă jao thun 2023 hăng 6 tơlơi, akŏ phun lĕ git gai wai lăng, 11 grup bruă jao, hơdră bruă akŏ phun, 142 bruă jao tong ten hăng tơlơi pơsit “Gum pơgôp kjăp phik, khin hơtai hơdeč hmar, pơplih pơčeh phrâo, hmao tlôn ba glăi tŭ yua”.