Lâm Đồng mă yua rơbêh 265 klai prăk ngă pơhưč, pơtô pơhrăm mơnuih mă bruă
Thứ hai, 10:55, 15/07/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Tơring čar Lâm Đồng pơsit mă yua rơbêh kơ 265 klai prăk pioh pơtô pơhrăm, ngă pơhưč mơnuih mă bruă hmâo bôh thâo kơjăp, djơ̆ tui tơlơi kiăng pơđĭ kyar bơwih ƀong – mơnuih mơnam mơ̆ng tơring čar.
Ră anai Lâm Đồng hmâo rơbêh kơ 29.000 čô mơnuih apăn bruă, mơnuih mă bruă čar, samơ̆ bôh thâo hăng anô̆ kơjăp bruă mă akă ƀu pơhlôm, akă djơ̆ tui tơlơi kiăng pơđĭ kyar bơwih ƀong – mơnuih mơnam, mut hrŏm jar kơmar.
Kiăng pơsir tơlơi anai, tơring čar pơsit mă yua akô̆ bruă ngă pơhưč, pơtô pơhrăm mơnuih apăn bruă, mơnuih mă bruă čar amăng tơring čar truh thun 2030, hăng abih bang prăk mă yua ngă tui rơbêh kơ 265 klai prăk mơ̆ng ngăn drăp kơnuk kơna. Amăng anun, rơbêh kơ 135 klai prăk pioh ngă pơhưč 355 tơhnal ba tơbiă, dô̆ glăi lĕ prăk djru pơtô pơhrăm 578 čô mơnuih apăn bruă, mơnuih mă bruă čar./.
Viết bình luận