Pơhiăp amăng mông pok phun, Khua Grŭp pơtô bruă Ping gah dêh čar ta Nguyễn Trọng Nghĩa čang rơmang bruă pơtui jua pơhiăp amra ngă klă na nao tơlơi Wa Hồ pơtô anun lĕ: “Mă bruă pôr pơhing khom đing nao čih hiưm hơpă, lăi hiưm hơpă pioh mơnuih hmư̆ thâo hluh djơ̆ tơlơi pô kiăng lăi pơhing, ngă hiưm hơpă mơnuih hmư̆ amuñ djă pioh, amuñ ngă tui”.

Hrŏm hăng djop mơta tơlơi pôr pơhing, pơtui jua pơhiăp amra djă kơjăp bruă ba jơlan hlâo amăng djop bruă tơlơi pơmin – bôh thâo mơ̆ng Ping gah, lăp djơ̆ hăng tơlơi čang rơmang hăng đăo kơnang mơ̆ng mơnuih ƀôn sang. Pơphun mơ̆ng lơ 9-14/7, Jơnum ngui pơtui jua pơhiăp đơ đam dêh čar tal 16 dô̆ hmâo hơdôm bruă mă dik dak. Anun lĕ Bơkơtuai jar kơmar “Pơplih mrô pơtui jua pơhiăp: Bôh nik jar kơmar hăng Việt Nam”; Bruă bơkơtuai pơtui jua pơhiăp pơdah tui tlôn amăng rơnuk hmâo lu mơta măi pôr pơhing; Jơlan hơdră “Bơkơtuai mơnuih khăp kơ tơlơi adôh Chèo đơ đam dêh čar tal 9 thun 2024” hăng Pri pơplông đuăi “Yua kơ jua pôr kơtang”./.