Gum hrŏm jơlan hơdră hmâo 140 čô mơnuih, gah 14 grŭp pơplông rai mơ̆ng hơdôm bôh tơring glông, plơi prong Buôn Hồ. Hơdôm grŭp găn rơgao 3 črăn pơplông anun lĕ: čơkă jum, tơña bla, anih pơdah hăng pơdah băn ao.

Rơgao rim črăn pơplông, hăng tơlơi prăp lui tŏng ten hăng hơdôm hơdră pơdah tơlơi pơčeh phrâo, phara hơdôm grŭp hmâo lăi pơthâo hơdôm tơlơi pơhing kơ grŭp pô, lăi pơthâo lu bôh thâo tơlơi phiăn kơ dưm kơnar bơnai hăng rơkơi, pơgang taih amang amăng sang anô̆. Hrŏm hăng anun pơdah hơdôm blah băn ao hiam, lăp djă pioh gru grua mơ̆ng djuai ania pô. Dưi thâo, hơdôm hrơi rơgao, Khul pơlir hơbit đah kơmơi tơring čar Dak Lak hmâo pơdŏng laih giăm truh 400 hơdră pôr pơhing, djru pơđĭ tui bôh thâo kơ tơlơi dưm kơnar bơnai hăng rơkơi ƀơi plơi pla./.