Nao pơhmư̆ hmâo Khua git gai Ƀirô pơtrun bruă ling tơhan Quân khu 5, Khua git gai tơring čar Gia Lai, Ƀing Ling tơhan mơnuih ƀôn sang hăng hơdôm gru ba jơlan hlâo khul ling tơhan tơring čar Gia Lai.

Amăng mông jơnum, gum lăi mơ̆ng hơdôm grŭp, mơnuih ba gru hlâo hmâo pơdah rơđah laih hơdôm tơlơi pơčeh phrâo, hơdră ngă klă, pran jua prăp lui kơdŏng pơgang hăng hơdôm bruă pơplih phrâo kơ bruă bơkơtưn truh kih mơ̆ng Khul ling tơhan Gia Lai, ngă giong prong bruă jao, djru bruă pơdŏng hăng pơgang lŏn ia. Amăng rơwang pơ̆ anăp, Khua ling tơhan tơring čar Gia Lai ngă klă dong bruă “Khul ling tơhan kơdŏng blah”, “Khul tơhan hyu mă bruă”. Gum hrŏm hăng hơdôm grŭp, gơnong bruă, khul grŭp ngă tui klă bruă pơtô ba mơnuih ƀôn sang, gum hrŏm bruă pơphun “Khul ling tơhan gum pran hrŏm pơdŏng plơi pla phrâo"./.