6 blan akô̆ thun, abih bang gơnam mơ̆ng Dak Nông hmâo giăm truh 9.600 klai prăk, đĭ rơbêh kơ 5%, dăp tal 2 kual Dap Kơdư. Pơhrui ngăn drăp hmâo giăm truh 1.500 klai prăk. Amăng abih bang mrô 3.200 klai prăk tuh pơplai bruă hrŏm thun 2024, truh abih blan 6, tơring čar phrâo pơsir mă năng ai ñu 27%. Biă ñu ngăn rơnoh 3 jơlan hơdră pơkă mơ̆ng lŏn ia ƀơi tơring čar ră anai pơpha hăng pơsir brơi dô̆ kaih đôč.

Khul pơ ala mơnuih ƀôn sang tơring čar Dak Nông pơsit, hmâo lu bruă akă ngă giong, akă dưi ngă amăng pơđĭ kyar bơwih ƀong - mơnuih mơnam mơ̆ng tơring čar. Amăng anun, hơdôm tơlơi gun, tơlơi bơrơkua pơkă kual lŏn čuah pioh mă, biă ñu bô-xít glăk bơdjơ̆ nao sat bruă ngă tui hơdôm bruă bơwih ƀong mơ̆ng tơring čar. Tơring čar Dak Nông yap hmâo truh rơbêh kơ 1.000 rơwang bruă, ring bruă ƀơi kual lŏn prong 6.700 ektar hmâo bơrơkua hăng pơkă kual bô-xít. Tơring čar hmâo lu wot rơkâo đĭ kơ dêh čar samơ̆ truh ră anai ăt akă dưi pơtlaih mơn./.