Đĭ pơhiăp amăng mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn brơi thâo, jơnum anai, jơnum min apăn bruă Khua pơ ala mơnuih ƀôn sang pơgôp hiăp amăng 06 boh tơhnal, amăng anun hơmâo klah čun, tơlơi găn rơgao amăng jơnum lok 7 hăng pơčrông sai bruă prap lui jơnum lok 8, Khua pơ ala mơnuih ƀôn sang dêh čar tal 15 pơphun amăng blan 10 pơ anăp.

Sit biă ñu, Jơnum min apăn bruă Khua pơ ala mơnuih ƀôn sang pơsit 02 bruă gah prăk kak, ngăn drăp hơmâo: Bruă pơhrua rơnoh mă yua ngăn drăp kơnuk kơna tui tơđar thun 2024 mơng Ding jum ling tơhan, Ding jum kông ang. Bruă pơplih akŏ bruă tuh pơ alin man pơdong gap ƀrô mă mơng ngăn drăp gơnong glông rơwang thun 2021-2025 mơng djop ding jum, anom bruă gơnong glông hăng ƀon lan; pơgiong hră pơ-ar tuh pơ alin hơdôm akŏ bruă him lăng đĭ tui pơhrui, pơhrŏ, pơkrem ngăn drăp gơnong glông thun 2021 dŏ rơbêh tơdơi kơ ngă tui hơdră djru prăk duh sang dŏ brơi mơnuih mă bruă mơng jơlan hơdră hơkrŭ hăng pơđĭ kyar bơwih ƀong huă-mơnuih mơnam.