Tui hăng Khua Ding jum prăk kak Hồ Đức Phớc, dêh čar Singapore jing bơnah gum hrŏm yôm phăn hăng phara biă mơ̆ng Việt Nam amăng abih bang hơdôm bruă. Amăng mông tơlơi rô nao rai bruă kơđi čar – pơtom hiăp pơđĭ kyar klă hiam ră anai, dua bôh dêh čar ăt dô̆ mơn lu tơhnal gal pioh pơtrut gum hrŏm dơlăm prong hloh, amăng anun hmâo bruă prăk kak.

Khua Ding jum Hồ Đức Phớc brơi thâo, Việt Nam biă ñu đing nao hơdră sĭ hră pơkrem prăk klă hăng pơjing anih anom sĭ blơi các-bon pioh hmâo tơhnal ba tơbiă ba djah djâu pơwot glăi mrô 0 amăng thun 2050 kah hăng hmâo pơkôl ba tơbiă ƀơi COP-26. Hrŏm hăng anun, Khua Ding jum čang rơmang dưi pơkiăo nao mơnuih pơ̆ Singapore pơtô pơhrăm ƀudah jak iâo ƀing juăt bruă Singapore rai pơhrăm brơi kơ mơnuih apăn bruă ƀơi Việt Nam amăng bruă mă yua hơdră phrâo măi mok prăk kak hăng prăk kak mrô./.