VOV4.Jarai-Khua mir sir ơi Lương Cường hăng grup khua mua pơprong mơ̆ng Việt Nam hơmâo nao čuă, pơhiăp hrŏm hăng khua mua, mơnuih apăn bruă amăng sang bruă khua anih jưh pơ ala hăng mơnuih ƀôn sang Việt Nam dŏ ƀơi dêh čar Chile.

VOV4.Jarai - Jơnum khua pơ ala djop djuai ania ƀiă tơring čar Gia Lai tal 4 thun 2024 phrâo pơphun ƀơi plơi prong Plei Ku, pơsit bôh tơhnal bruă djop djuai ania ƀiă ƀơi tơring čar Gia Lai; hrŏm hăng anun bơni, pơpŭ hơdôm tơlơi gum hơgôp prong prin mơ̆ng neh wa djuai ania ƀiă amăng tơring čar.

VOV4.Jarai - Mơguah lơ 10/11, Khua dêh čar ta ơi Phạm Minh Chính git gai mông jơnum tal sa mơ̆ng Grŭp črâo ba bruă dêh čar pok pơhai hrŏ trun sang tơ̆i amăng đơ đam dêh čar.

VOV4.Jarai-Mơmŏt tom brơi (8/11), Khua dêh čar ơi Phạm Minh Chính glăi truh laih pơ Việt Nam, pơđut hiam klă tal nao mă bruă hăng nao Jơnum khua mua tui jơlan hơdră ngă hrŏm kual ia krông Mê Công pok prong tal 8, Jơnum khua mua kơ hơdră ngă hrŏm bơwih ƀong huă Ây-a-oa-đi- Chao-phờ-rây-a- Mê Công tal 10 hăng jơnum khua mua kơ bruă ngă hrŏm Kur-Lao-Myanmar-Việt Nam hăng mă bruă ƀơi dêh čar Khač.

VOV4.Jarai-Mơmŏt tom brơi (8/11), Khua mir sir ơi Lương Cường ba jơlan hlâo khua mua pơprong mơng Việt Nam tơbiă mơng plơi prong jưh jom Hà Nội nao čuă sit nik dêh čar Chile tui tơlơi jak iâu mơng Khua mir sir abriel Boric Font dong mơng lơ 9-12/11; nao čuă sit nik dêh čar Peru hăng nao jơnum rơwang hrơi tơjuh jơnum khua mua khul ngă hrŏm bơwih ƀong huă Asia-Thái Bình Dương (APEC) 2024 ƀơi Lima, Peru tui tơlơi jak iâu mơng Khua mir sir Dina Ercilia Boluarte Zegarra mơng lơ 12-16/11.

VOV4.Jarai-Tlam lơ 8/11, Khua mir sir ơi Lương Cường hăng Khua git gai ping gah, Khua mir sir dêh čar Lao, ơi Thongloun Sisulith hơmâo bơkơtuai nao rai lăng amăng tivi kiăng pơčrong sai kơ tơlơi pơhing mơ̆ng dua bơnah dêh čar hăng tơlơi rô nao rai Việt Nam-Lao.

VOV4.Jarai-Tlam lơ 8/11, anom bruă bơdjơ̆ nao tơring čar Dak Lak ĕp ƀuh laih anih rơdêh por Yak-130 lê̆ trun giăm anih wai pơgang glai mrô 428 (kơplah anom wai lăng đang glai Đrang Phôk hăng hăng anom bruă wai lăng glai mrô 9) ƀơi đang glai dêh čar Yok Đôn, tơring čar Dak Lak.

VOV4.Jarai - Mơguah lơ 8/11, ƀơi ƀôn prong Trùng Khánh, Khua dêh čar ơi Phạm Minh Chính hmâo nao pơhmư̆ mông bơkơtuai anom bơwih ƀong Việt Nam – Khač.

VOV4.Jarai - Mơguah lơ 8/11, Jơnum min mơnuih ƀôn sang tơring čar Gia Lai pơphun pok phun Rơwang hrơi tơjuh bơnga ang - Čư̆ apui kơdir Čư̆ Đang Ya thun 2024”.

VOV4.Jarai-Tlam lơ 7/11, ƀơi Ƀirô Ping gah, Khua git gai Ping gah dêh čar ơi Tô Lâm hơmâo tŭ jum Khua anih jưh pơ ala dêh čar Cuba ƀơi Việt Nam Orlando Nicolas Hernandez Guillen ƀrô hrơi khua anih jưh pơ ala dêh čar pơđut hĭ thun blan mă bruă.