Amăng mông bưp ƀô̆ mơta 44 grŭp, mơnuih dưi ƀơk brơi, hyu ƀơk brơi anăn păn “Khul ling tơhan sông kơtang mơnuih ƀôn sang”; 78 bôh Miđai Quân công, 735 bôh Miđai Chiến công, 59 bôh Miđai Mă bruă, rơbêh kơ 3.000 bôh Miđai Pơgang Lŏn ia, 3 bôh Miđai Khin hơtai hăng ha rơbâo wot grŭp, mơnuih dưi hơdôm gưl apah bơni. Biă ñu, ƀrô djơ̆ tal hơdor glăi 80 thun Hrơi gru grua, khul Kông ang Mơnuih ƀôn sang dưi ƀơk bơni Miđai Bôh pơtŭ kơñĭ tal 5.

Anai lĕ jơlan hơdră yôm phăn biă, pơđao pran jua hăng bă kơ tơlơi ư-ang lơm dưi hmâo Khua git gai Ping gah dêh čar ơi Tô Lâm bưp ƀô̆ mơta, pơsur pran jua 40 čô mơnuih sông kơtang hăng sang anô̆ Khul ling tơhan sông kơtang Mơnuih ƀôn sang, 57 čô ling tơhan bơkơtưn đơ đam lŏn ia hăng 246 čô ngă gru hlâo pơplih phrâo, jing hơdôm gru ba jơlan hlâo mơbruă amăng bruă pơphun bơkơtưn mơ̆ng khul kông ang mơnuih ƀôn sang, pơ ala brơi kơ ha rơbâo čô mơnuih apăn bruă tơhan kông ang hyu mă bruă gah bruă tơhan ƀơi djop kual lŏn ia, ư-ang dưi glăi lăi pơthâo glăi hăng Khua git gai Ping gah dêh čar, Kơnuk kơna hăng Ding jum Kông ang./.