Rơwang thun 2025-2030, Ping gah Kông ang tơring čar Gia Lai pơsit tong tŏ ngă tui hơdôm tơlơi črâo trun mơng Ping gah dêh čar, Ping gah kông ang gơnong glông; tŏ ngă tui tơlơi gơgrong phun amăng bruă pơhlôm rơnuk rơnua, hơđong, djru brơi klă bruă pơđĭ kyar bơwih ƀong huă-mơnuih mơnam amăng ƀon lan; ngă tui tŭ yua 4 tơlơi pơtrun akŏ phun mơng Ding jum kơđi čar hăng pơtrut pơjing kông ang mă bruă tơpă sit, hơđong kjăp, pơplih phrâo, klă hloh, lăp djơ̆ tơlơi rơkâo, bruă jao amăng rơnuk phrâo.

Jơnum hơmâo pơphun lăi pơthâo tơlơi pơtrun mơng Khul apăn bruă Ping gah tơring čar Gia Lai kơ bruă ruah Khul apăn bruă Ping gah kông ang tơring čar hơmâo 23 čô khua mua; Khul djru bruă Ping gah kông ang tơring čar hơmâo 7 čô khua mua; ruah Thiếu tướng Lê Quang Nhân, Khua kông ang tơring čar Gia Lai ngă Khua git gai Ping gah kông ang tơring čar Gia Lai, rơwang thun 2025-2030.