VOV4.Jarai - Khua dêh čar ta ơi Phạm Minh Chính kĭ Tơlơi črâo trun mrô 1 lơ 3/1/2025 kơ bruă gơgrong hlâo jơlan gah pơsir pơhlôm djop apui lơtrik yua kơ bruă bơwih ƀong huă sĭ mơdrô hăng tơlơi hơdip mơda mơnuih ƀôn sang amăng mông yua apui lu thun 2025 hăng rơwang 2026-2030.

VOV4.Jarai-Mơguah lơ 3/1, Ping gah ling tơhan Quân khu 5 pơphun jơnum tal 10, ba tơbiă tơlơi pơtrun git gai bruă jao ling tơhan hăng bruă pơjing Ping gah ling tơhan thun 2025.

VOV4.Jarai - Hmâo ha tal “tơbiă” mơ̆ng plơi pla hăng bruă ơi ia jrao, samơ̆ pô tơdăm djuai ania Êđê, Y Pôt Niê ƀơi Dak Lak ăt ƀu wor bit mơn kơphê ƀơi plơi pla. Hơdor na nao kơphê pơhrua nao hrŏm hăng asăp apui, tơlơi pơmin hăng hơdôm asar kơphê yôm phăn samơ̆ ƀu dưi djru amĭ ama plai ƀiă tơnap tap, Y Pôt Niê hmâo pơwot glăi laih pơ̆ ƀuôn Kla, să Dray Săp, tơring glông Krông Ana, tơring čar Dak Lak pioh kĕ phĭ hăng kơphê tui sa hơdră phrâo hnuă. Tơdơi kơ 4 thun pok phun bruă hăng kơphê lăng juăt mơ̆ng dô̆ tơdăm ngek, Êđê Café mơ̆ng Y Pôt hmâo ba hyu sĭ laih amăng lŏn ia hăng pơ̆ dêh čar tač rơngiao, ruai na nao kơ bôh thâo kơphê pơkra phara mơ̆ng ƀuôn Kla.

VOV4.Jarai - Amăng mông Jơnum Khul git gai kual Dap Kơdư phrâo dưi pơphun, Kơ-iăng Khua dêh čar ơi Nguyễn Hòa Bình rơkâo hơdôm ding jum, gơnong bruă, tơring čar amăng kual pơtrut tañ rơnoh hơdôm rơwang bruă pơkra jơlan nao rai kual Dap Kơdư.

VOV4.Jarai - Mơguah lơ 3/1, Ping gah tơring čar Dak Nông pơphun Jơnum klah čun bruă pôr čih tơlơi pơhing hăng ngă Lơphet jao pri Búa Liềm Vàng thun 2024.

VOV4.Jarai-Ƀơi tơring čar Kon Tum, bruă ngă “Khul tơhan hơđăp pơdjru nao rai pơhrŏ ƀun rin, ngă pơdrong bơwih ƀong rơgơi” dưi bang bơngač kơtang amăng djop bruă mă: ngă hmua pla pơjing, rông hlô mơnong, bơwih bơwăng, pơkra ming gơnam mơ̆ng đang hmua djru kơ ƀing tơhan hơđăp pơđĭ tui tơlơi hơdip mơda hăng djru nao rai tơdruă ding kơna amăng khul sang anŏ tơnap tap hrưn đĭ pơklaih mơ̆ng ƀun rin hơđong.

VOV4.Jarai-Tlam lơ 2/1, ƀơi plơi prong Đà Lạt, tơring čar Lâm Đồng jơnum pok pơhai hơdră ngă hrŏm pel ĕp anŏ tŭ yua hiam gơnam sĭ mơdrô plah wah ƀôn prong Hồ Chí Minh hăng 5 boh tơring čar kual Dap Kơdư.

VOV4.Jarai-Tlam lơ 2/1, ƀơi sang bruă Kơnuk kơna, Kơ-iăng Khua dêh čar ơi Nguyễn Hòa Bình git gai jơnum hăng Khul pơpha bruă amăng kual Dap Kơdư.

VOV4.Jarai-Tlam lơ 2/1, Kơ-iăng Khua dêh čar ơi Trần Hồng Hà git gai jơnum kơ ba tơbiă hơdră pơsur pơđĭ kyar pơkra rơdêh đuăi hăng apui lơtrik.

VOV4.Jarai - Ngă tui črâo ba mơ̆ng Khua dêh čar, hơdôm gưl, hơdôm gơnong bruă mơ̆ng tơring čar Dak Lak glăk gir run pok pơhai hơdôm bruă pơtrut rơnoh rơwang bruă jơlan đuăi hmar Khánh Hòa – Buôn Ma Thuột. Hơdôm hrơi akô̆ thun phrâo 2025, yap wot Tết Prang, ha rơbâo čô mơnuih mă bruă ƀơi ring bruă kreh kruñ mă bruă. Tơhnal pơkă, rơnuč thun 2025 pơkra giong 68 km jơlan blung a mơ̆ng Rơwang bruă jơlan đuăi hmar Khánh Hòa – Buôn Ma Thuột, djru pơtrut bơwih ƀong – mơnuih mơnam kơ kual Dap Kơdư.