Čơtlăm lơ 29/7 (yap tui mông pơ̆ anih nao), ƀơi Ƀirô mă bruă Sang gum hơbit djop dêh čar pơ̆ dêh čar Thuỵ Sỹ, ƀrô djơ̆ tal nao pơhmư̆ Jơnum ƀing Khua git gai pơ ala mơnuih ƀôn sang dêh čar rŏng lŏn tơnah tal 6, Khua git gai pơ ala mơnuih ƀôn sang dêh čar ta ơi Trần Thanh Mẫn hmâo laih bruă bưp Khua Anom bruă Sang gum hơbit djop dêh čar ƀơi Geneva Tatiana Valovaya. Amăng mông bưp, Khua git gai pơ ala mơnuih ƀôn sang dêh čar ta pơtŏng sit, Việt Nam dŏng yua kơtang na nao bruă mă lu bơnah hăng amra gum hrŏm, gum hơgôp jai hrơi klă hloh amăng hơdôm bruă mă mơ̆ng Sang gum hơbit djop dêh čar.

Việt Nam glăk dưi ruah ngă glăi ding kơna Khul pơgang tơlơi dưi ană mơnuih rơwang bruă 2026-2028, tơdah dưi ruah Việt Nam amra hmâo lu bruă mă hăng pơčeh phrâo pioh ngă tui bruă ƀirô anai amăng hơdôm hrơi jar kơmar bă kơ tơlơi pơplih hăng tơlơi lông kah hăng ră anai. Khua Anom bruă bơni kơ dêh čar Việt Nam hmâo dŏng yua laih hơdôm bruă mă hrŏm mơ̆ng Sang gum hơbit djop dêh čar, amăng anun hmâo bruă ba jơlan hlâo anăp nao pơčeh phrâo pơdă prưng 17 gru đah kơmơi mơbruă amăng pok pơhai hơdôm Tơhnal pơđĭ kyar kơjăp phik. Ñu pơsit bruă mă klă mơ̆ng grŭp Việt Nam ƀơi hơdôm khul Sang gum hơbit djop dêh čar ăt kah hăng amăng hơdôm bruă hrŏm. Dua bơnah tŭ ư hrŏm pơtrut dong bruă gum hrŏm kơplah wah Việt Nam hăng Sang gum hơbit djop dêh čar pơ̆ anăp anai./.