VOV4.Jarai - Mơmot tom brơi lơ 25/2, ƀơi Ƀirô mă bruă Ping gah dêh čar, Khua git gai Ping gah dêh čar ta ơi Tô Lâm hmâo tŭ jum laih Khua dêh čar Malaysia Anwar Ibrahim ƀrô djơ̆ tal Khua dêh čar rai pơhmư̆ Bruă bơkơtuai Pơgi kơdih anai ASEAN tal 2 ƀơi ƀôn prong Hà Nội (mơ̆ng 25-26/2/2025).

VOV4.Jarai-Mơguah lơ 25/2, Khua dêh čar ơi Phạm Minh Chính git gai jơnum lok sa Khul git gai bruă mă pơhlôm, pơgăn phăk phai kông ngăn.

VOV4.Jarai - Tui hăng akŏ bruă, tơring čar Gia Lai hơmâo ngă giong laih bruă man pơdong phrâo hăng pơkra ming rơbêh 8.400 boh sang dŏ amăng 4 blan pơ anăp. Djŏp gưl, anom bruă amăng tơring čar glăk pơƀut djŏp mơta pioh ngă jơlan hơdră lŏm lui sang dŏ tơ̆i, sang phô̆, djru ba hơdôm boh sang anŏ tơnap hơmâo anih dŏ dŏng ƀong huă hơđong.

VOV4.Jarai-Tlam lơ 24/2, Khua dêh čar ơi Phạm Minh Chính nao čuă sang hră hrăm bruă ia jrao ling tơhan ƀrô hơdor glăi 70 thun Hrơi pioh kơ ơi ia jrao Việt Nam.

VOV4.Jarai-Mơguah tom brơi (24/2) ƀơi Hà Nội, Khua git gai Ping gah dêh čar ơi Tô Lâm nao čuă hăng git gai mông mă bruă hăng Ding jum ia jrao hăng pơpŭ gơnong bruă ia jrao ƀrô tal hơdor glăi 70 thun hrơi pơpŭ nai ia jrao Việt Nam (27/2/1955-27/2/2025).

VOV4.Jarai-Hơdôm sang bruă khuer ƀơi ia rơsĭ DKI kual 2 tơhan sơlup wai lăng, hơmâo ngă bruă amăng kual ia rơsĭ lŏn ia ta gah dơnung, anih dŏ, anŏ ƀong huă mơ̆ng ƀing tơhan mă bruă pơ anai tơnap tap biă mă samơ̆ djop khul ping gah ƀơi sang khuer amăng ia rơsĭ DKI ăt gir jơnum ping gah tơpă hơnơ̆ng tŭ yua. Hơdôm thun rơgao, hrŏm hăng tơlơi mă bruă hur har, pơphun jơnum ruah khua ping gah djop gưl amăng ƀirô ping gah kual 2 tơhan sơlup hơmâo pơphun djơ̆ hơdră. Djop khul ping gah ƀơi sang bruă khuer DKI pơphun jơnum ruah khua tŭ yua soh, ƀuh rơđah tơlơi gum pơgôp nao rai, sa pran jua hăng djă kơjăp tơlơi gơgrong phun asar pơjeh git gai wai lăng, pơblih phrâo, pơđĭ tui boh tŭ yua amăng bruă mă ping gah pơtrun.

VOV4.Jarai - Mơ̆ng hrơi anai lơ 25/2 truh lơ 28/2/2025, Khua dêh čar New Zealand Christopher Luxon amra sit nik rai čuă dêh čar Việt Nam ta. Tal hyu čuă jơmư anai čang rơmang amra ngă dlăm tui tơlơi rô nao rai dua bơnah, jing phun atur ba tơlơi rô nao rai anai đĭ kyar kơtang hloh.

VOV4.Jarai - Mơguah lơ 24/2, Ping gah gong gai dêh čar pơphun Jơnum lăi pơthâo akŏ pơdong hơdôm grup ping gah yua Ping gah gong gai dêh čar wai lăng yŭ kơ tơlơi git gai mơ̆ng Khua gum bruă git gai Ping gah, Khua dêh čar ơi Phạm Minh Chính.

VOV4.Jarai-Tlam lơ 23/2, Khua dêh čar ơi Phạm Minh Chính git gai Jơnum lăi pơthâo tơlơi pơtrun akŏ pơjing grup pel ĕp mơng Ding jum kơđi čar, Khul git gai Ping gah thun 2025 hăng Khul apăn bruă Ping gah tơring čar, Ping gah ƀôn prong: Ƀôn prong Hồ Chí Minh, Bình Dương, Bà Rịa-Vũng Tàu.

VOV4.Jarai-Tlâo bơnah tŭ ư tŏ tui ngă dơlăm, djop mơta hăng pok prong ƀiă dong tơlơi rô nao rai kơplah wah tlâo Ping gah, tlâo kơnuk kơna, kjăp tui pran đăo gơnang kơđi čar hăng tơlơi rô nao rai kơplah wah khua mua; ƀuă tŏ tui gru grua gum pơgôp pơlir hơbit kơplah wah tlâo boh dêh čar.