VOV4.Jarai-ASEAN hăng bơnah ngă hrŏm ƀuăn pơtrut tui bưp nao rai, ngă hrŏm hăng akŏ pơjing pran jua đăo kơnang yua tơlơi rơnuk rơnua, hơđong hăng hing ang kjăp amăng kual.

VOV4.Jarai-Ƀơi anăp tơlơi tơnap tap mơ̆ng lu čơđai sang hră amăng 13 boh să kual guai dêh čar, tơhan pơgang guai dêh čar tơring čar Kon Tum djru 1,9 klai prăk brơi kơ ƀing čơđai sang hră tơnap tap kiăng hơmâo hmăi pran jua mut thun hrăm phrâo 2023-2024.

VOV4.Jarai-Tlam lơ 6/9, Khua dêh čar ơi Phạm Minh Chính nao jơnum hrŏm khua mua ASEAN+3 hăng dêh čar Khač, Japan, Hàn Quốc laih anun jơnum khua mua ASEAN hăng Mi wơ̆t hăng Canada.

VOV4.Jarai - Tlam lơ 6/9, ƀơi Sang bruă mir sir, Khua mir sir ơi Võ Văn Thưởng tŭ jum Khua git gai pơ ala mơnuih ƀôn sang gơnong dlông Japan Otsuji Hidehisa glăk rai čuă sit nik dêh čar Việt Nam.

VOV4.Jarai - Lơ 6/9/2023, ƀơi plơi prong jưh jom Hà Nội, Khua git gai Ping gah ơi Nguyễn Phú Trọng, Khua ping gah Mơnuih ƀôn sang dêh čar Kur (CPP) Samdech Techo Hun Sen hăng Khua git gai Ping gah Mơnuih ƀôn sang dêh čar Lao, Khua mir sir dêh čar Lao ơi Thongloun Sisoulith hơmâo mông Bưp prong kơplah wah Việt Nam - Kur - Lao.

VOV4.Jarai-Tŭ ư hăng tơlơi jak iâu mơng Khua git gai pơ ala mơnuih ƀôn sang dêh čar ơi Vương Đình Huệ, Khua git gai pơ ala mơnuih ƀôn sang gơnong glông dêh čar Japan Otsuji Hidehisa glăk rai čuă sit nik dêh čar Việt Nam.

VOV4.Jarai – Mơguah lơ 6/9, ƀơi sang rông Dinh Độc Lập, Khua mir sir dêh čar ta, ơi Võ Văn Thưởng nao pơhmư̆ Jơlan hơdră pơbưp hăng bơni hơdôm rơnuk hlăk ai gơgrong pô nao gum djru, sang anô̆ rông ƀuh rơđah hloh ƀrô djơ̆ hơdor glăi 30 thun hơdôm jơlan hơdră, bruă gum djru bơyan pơdơi prong mơ̆ng hlăk ai ƀôn prong Hồ Chí Minh.

VOV4.Jarai - Jing sa amăng hơdôm anih yôm phun mơ̆ng jơlan Trường Sơn hing ang, Tơdrun găn ia krông Sêrêpôk ƀơi să guai dêh čar Krông Na, tơring glông Buôn Đôn, tơring čar Dak Lăk ăt dŏ djă pioh na nao gru đưm thun blan blah ayăt sông kơtang hing ang mơ̆ng tơhan hăng mơnuih ƀôn sang ta. Hăng bruă hơmâo tŭ yap jing anih gru đưm yôm pơphăn, Tơdrun găn ia krông Sêrêpôk jing gru pơ ala brơi pran kơtang, tơlơi pơmin khăng khŏp, khin hơtai mơ̆ng mơnuih ƀôn sang amăng rơnuk blah ayăt Mi pơklaih rơngai lŏn ia.

VOV4.Jarai - Lơ 5/9, Khua dêh čar ơi Phạm Minh Chính hơmâo mông bưp Khua dêh čar Timor Leste Xanana Gusmao hăng Khua khul bơwih ƀong rŏng lŏn tơnah (WEF) Klaus Schwab ƀrô tal nao jơnum khua mua pơprong kual ASEAN tal 43 hăng hơdôm mông jơnum bơdjơ̆ nao ƀơi Jakarta, Indonesia.

VOV4.Jarai-Mơguah tom brơi (5/9) ƀơi Ƀirô Ping gah, Khua git gai Ping gah dêh čar ơi Nguyễn Phú Trọng hơmâo tŭ jum ơi Lưu Kiến Siêu, Ding kơna Ping gah dêh čar, Khua anom bruă pơlăi nao rai bruă pơtom hiăp Ping gah Cộng sản Khač glăk rai čuă hăng mă bruă ƀơi Việt Nam.