Ƀơi mông bưp, Khua mir sir ơi Lương Cường lăi pơtong, tơlơi rô nao rai giăng mah prong prin, hiam klă, gum pơgôp phara, bruă ngă hrom hlom bom plah wah Việt Nam-Lao ƀuh tơlơi tŭ yua yom pơphăn biă mă hăng bruă man pơdong laih anun wai pơgang lŏn ia tơdruă; kah hăng phiăn hơmâo laih mơ̆ng đưm laih anun bruă pơđĭ kyar lŏn ia ăt kar kăi mơ̆n.

Khua mir sir ơi Lương Cường rơkâo, thun blan pơ anăp, ling tơhan dua bơnah kơtưn ngă hrŏm, hrăm nao rai tơdruă tơlơi thâo thăi akŏ pơdong ling tơhan kơjăp bruă kơđi čar, tơlơi pơmin, khua mua hăng anom bruă; đing nao ngă kơjăp hloh, pơgang atur tơlơi pơmin mơ̆ng Ping gah, pơgang kơjăp tơlơi dưi git gai prong hloh, ƀơi anăp hăng tŭ yua amăng bruă mă lơ̆m ping gah, bruă mă gah kơđi čar laih anun djop bruă mă pơkŏn; jơlan hơdră, akŏ bruă hơdai gum hrŏm plah wah ling tơhan dua bơnah; kơtưn bruă pơtô pơblang, pơhrăm tŭ yua tơlơi pơhing gru phun dêh čar, boh yom phun, boh tŭ yua mơ̆ng tơlơi rô nao rai yom phara plah wah Việt Nam hăng Lao.