Hăng tơlơi pơtrun “Dưi ngă pô - Gum pơgôp - Tui tơlơi phiăn - Pơplih prong - Pơđĭ kyar”, jơnum anai pơsit pran jua gum pơgôp, ha amăng plĕ ngă bruă, khin hơtai, rơgơi mơbruă, gir kơtang, gru grua hiam mơ̆ng Ping gah hăng tơhan blah ngă Quân khu 9 amăng 80 thun akŏ pơdong, blah ngă hăng kjăp bruă, djơ̆ lăp hăng tơhan blah ngă pran kjăp khŏp, đăo kơnang mơ̆ng Ping gah, Kơnuk kơna hăng mơnuih ƀôn sang amăng thun blan akŏ pơdong hăng pơgang kjăp kual Yŭ Dơnung dêh čar rơnuk phrâo.

Amăng rơwang bruă thun 2025-2030, Ping gah, Anom bruă git gai tơhan Quân khu pơsit hơdôm rơnoh pơkă kah hăng tơhan blah ngă Quân khu kjăp bruă kơđi čar, ngă phun atur pơđĭ tui anŏ klă abih bang hăng tơlơi rơgơi, kjăp bruă blah ngă; pơđĭ tui anŏ klă bruă kơsem min boh thâo, him lăng hlâo, pơphô bruă kơ Ping gah khul tơhan, Ding jum ling tơhan kơ bruă blah ngă, pơgang lŏn ia, pơhlôm djơ̆, tơphă, tŭ yua, huăi dŏ kơtuă, huăi sư̆ rơbư̆./.