Ƀơi mông jơnum, Khua git gai Ping gah ơi Tô Lâm pơsit, Việt Nam lêng kơ lăng yôm tơlơi ngă hrŏm hăng Hàn Quốc, laih anun čang rơmang hrŏm hăng Hàn Quốc ngă dlăm hloh tơlơi rô nao rai ngă gŏp yôm abih bang bruă Việt Nam - Hàn Quốc.

Khua git gai Ping gah ơi Tô Lâm kiăng dua bơnah gir run ngă hrŏm kjăp hloh, sui thun hloh; hok mơak dua bơnah kĭ pơhrư̆i sui hloh Hră hơdor pioh kơ jơlan hơdră ngă bruă brơi mơnuih mă bruă pơ čar rơngiao kơplah wah Việt Nam hăng Hàn Quốc; pơđĭ tui tơlơi ngă hrŏm pơtô pơjuăt, kiăng Hàn Quốc djru pơtô pơjuăt mơnuih mă bruă rơgơi kah hăng bruă pơkra hrĕ apui añĕ, rơdêh pơkĕ apui lơtrik, boh thâo sinh học, boh thâo pơkra ƀat tô, tơlơi rơgơi ană mơnuih pơčeh rai. Khua dêh čar ơi Kim Min Seok pơsit amra lăng ba hloh tơlơi ngă hrŏm hăng Việt Nam, pơđĭ tui bruă pơtô pơjuăt mơnuih mă bruă rơgơi djru đĭ kyar bơwih ƀong huă dua boh dêh čar pơ anăp anai./.