VOV4.Jarai - Kơ-iăng Khua dêh čar ơi Lê Thành Long phrâo nao čuă, ƀơk gơnam tam kơ sang anô̆ gah hơdră bruă, mơnuih mă bruă, mơnuih duam ruă hmâo tơlơi hơdip mơda tơnap tap ƀơi Cao Bằng.

VOV4.Jarai-Giăm truh têt Ất  Tỵ 2025, tơlơi pơhing arăng pơgiăng hyu sĭ mơdrô dop mlăi găn rơgao ƀơi guai dêh čar amăng tơring glông Đưk Kơ, tơring čar Gia Lai lu biă mă. Ƀing tơhan kơnuk kơna hlăk hơdai gum hrŏm kiăng pơgăn hmao kru bruă ngă soh glăi tơlơi phiăn ƀơi guai dêh čar.

VOV4.Jarai-Mơguah tom brơi, lơ 21/1, ƀơi ƀôn prong Cần Thơ, Khua git gai pơ ala mơnuih ƀôn sang dêh čar ơi Trần Thanh Mẫn hơmâo tŭ jum Khua khul pơlir hơbit anom bruă pơ ala mơnuih ƀôn sang djop dêh čar pơhiăp tơlơi Prang (APF), Kơ-iăng khua tal sa anom bruă pơ ala mơnuih ƀôn sang dêh čar Kamerun, ơi Hilariong Etong ƀrô djơ̆ tal rai jơnum khua mua pơ ala mơnuih ƀôn sang djop dêh čar pơhiăp tơlơi Prang, kơ bruă ngă hmua, pơhlôm hơđong mơnong ƀong huă laih anun bong glăi anŏ sat yua anŏ pơblih ayuh hyiăng ngă.

VOV4.Jarai-Ƀrô djơ̆ tal ơi Donald Trump sit nik đĭ apăn bruă glăi ngă khua mir sir dêh čar Mi tal 47 dơ̆ng, lơ 21/1, tui hăng mông Việt Nam, Khua git gai ping gah ơi Tô Lâm, Khua mir sir ơi Lương Cường hăng Khua dêh čar ơi Phạm Minh Chính hơmâo mơ-it hiăp bơni hơ-ơč mơak hrŏm.

VOV4.Jarai-Lơ 21/1, Khua git gai Ping gah dêh čar ơi Tô Lâm git gai Jơnum lok 2 mơng Khul git gai gơnong glông lăng glăi bruă ngă tui tơlơi pơtrun mrô 18-NQ/TW.

VOV4.Jarai - Čơtlăm lơ 21/1, ƀơi Dovos (Thuỵ Sĩ), amăng rơwang Jơnum WEF Davos thun 2025, Khua dêh čar ta ơi Phạm Minh Chính hmâo nao pơhmư̆ hăng pơhiăp amăng mông Bơkơtuai “Anăp nao Jơnum Khua Ding jum UNCTAD 16, hăng anăn ñu “Pơgi kơdih mơ̆ng sĭ mơdrô hăng pơđĭ kyar đơ đam rŏng lŏn tơnah amăng Rơnuk phrâo hơdeč hmar”.

VOV4.Jarai-Rơbêh 6.000 čô mơnuih ƀôn sang ƀơi 11 ƀut plơi pla amăng să giăm guai Ia Đal, tơring glông Ia H’Drai, tơring čar Kon Tum ha guai hăng dêh čar Kur hơmâo tŭ mă djop tơlơi hok mơ-ak hăng hur har pran jua ngui tết tui phiăn juăt djuai ania. Jơlan hơdră “Bơyan bơnga pơđao pran jua ană plơi pla giăm guai” hăng “Hrơi ngui tuk ƀañ tek” yua anom bruă git gai tơhan wai pơgang guai tơring čar Kon Tum gum hrŏm hăng gong gai ƀon lan laih dong djop khul grup amăng ƀon lan pơphun ba tết nao tơl plơi pla giăm guai.

VOV4.Jarai-Tlam lơ 20/1, ƀơi Sang bruă ping gah dêh čar, ơi Tô Lâm Khua git gai ping gah, khua khul pơčrâo bruă mơ̆ng Gơnong dlông kơ bruă pơđĭ kyar tơlơi kơhnâo, pơblih pơčeh phrâo ia rơgơi mrô, git gai jơnum lok sa mơ̆ng Khul khua mua pơčrâo bruă pok pơhai bruă mă hrơi blan pơ anăp.

VOV4.Jarai-Mơguah sing bring hrơi anai, lơ 21/1, tui hăng mông dêh čar Việt Nam, rơdêh por pơgiăng khua dêh čar ta ơi Phạm Minh Chính hăng bơnai ñu laih grup khua mua kơnuk kơna Việt Nam nao truh laih pơ Zurich jơnum hrŏm WEF jing jơnum prong bơkơtuai tơlơi bơwih ƀong huă ƀơi rŏng lŏn tơnah laih anun mă bruă ƀơi dêh čar Thụy Sĩ.

VOV4.Jarai - Mơmot tom brơi (20/1), ƀơi Sang adoh Hồ Gươm Hà Nội, ngă lơphet 95 thun Hrơi akŏ pơdong Ping gah Cộng sản Việt Nam (lơ 3/2/1930 - 3/2/2025), Grup pơphun bruă Ping gah ngă hrŏm hăng Hră pơhing Nhân Dân, Hră pơhing Cộng sản, Gong phun pơdah rup Việt Nam, Khul mơnuih čih tơlơi pơhing Việt Nam pơphun lăi pơhmư̆ hăng brơi Pri hră pơhing čih kơ bruă akŏ pơdong Ping gah (hơmâo anăn Mut mơnek mah) tal 9 thun 2024.