VOV4.Jarai - Hmư̆ tui tơlơi jak iâo mơ̆ng Khua mir sir dêh čar Kazakhstan Kassym-Jormat Tokayev, tom brơi lơ 5/5, Khua git gai ping gah dêh čar ta ơi Tô Lâm hăng bơnai ñu hrŏm hăng Grŭp khua pơ ala gưl dlông dêh čar ta pơpĕ mơ̆ng tơdrŏn rơdêh por Jar kơmar Nội Bài nao čuă gưl Kơnuk kơna pơ̆ dêh čar Kazakhstan.

VOV4.Jarai - Lơ 4/5, Khua dêh čar ơi Phạm Minh Chính git gai jơnum Khua mua apăn bruă Kơnuk kơna sem lăng, pơgôp hiăp kơ hră lăi pơthâo bruă bơwih ƀong huă-mơnuih mơnam blan 4 hăng 4 blan akŏ thun anai; laih dong pơgôp hiăp kơ hơdôm tơlơi pơkŏn dong prăp rơmet kơ mông jơnum gong gai kơnuk kơna tui tơđar blan 4/2025 ăt kah hăng hơdôm tơlơi jơnum, bruă mă yom pơkŏn dong amăng hrơi blan pơ anăp.

VOV4.Jarai-Amăng hrơi mông bơyan phang pơđiă kơtang, lu đang kyâo glai ƀơi tơring čar Gia Lai dưi pok pơhai hơdră wai pơgang tong ten ƀơi anăp kơ tơlơi hŭi rơhyưt apui ƀong glai klô kơtang.

VOV4.Jarai-Amăng bơyan ngă lơphet lơ 30/4 hăng lơ 1/5 anai, Đà Lạt-Lâm Đồng tŏ tui pơhưč hơdôm rơtuh rơbâo wŏt tuai čuă ngui, amăng anun hơmâo tuai mơng tač rơngiao đĭ 75% pơhmu tui tơđar thun hlâo.

VOV4.Jarai-Mơguah anai (5/5), Jơnum lok 9, Khua pơ ala mơnuih ƀôn sang dêh čar tal 15 sit nik pơphun ƀơi Ƀirô Khua pơ ala mơnuih ƀôn sang dêh čar, Hà Nội.

VOV4.Jarai - Pơđĭ tui mơnuih mă bruă rơgơi hơmâo Dak Lăk pơsit jing sa amăng klâo tơlơi pơplih yôm phun, jing gai tơkal amăng bruă đĭ kyar bơwih ƀong huă - mơnuih mơnam. Hơdôm thun rơgao, tơring čar ngă sit nik hơdôm tơlơi pơtrun mơ̆ng Ping gah hăng Kơnuk kơna kiăng ngă tui tơlơi anai. Khă hnun, truh ră anai, boh than ba glăi ăt aka ƀu djơ̆ hăng tơlơi kiăng ôh, tơlơi anai ba tơbiă lu bruă kiăng hơmâo lăp đing nao, pơsir brơi.

VOV4.Jarai-Tlam tom brơi 4/5 ƀơi Ƀirô Ping gah, Khua git gai Ping gah dêh čar ơi Tô Lâm tŭ jum Khua mir sir Sri Lanka Anura Kumara Dissanayaka-Khua git gai Ping gah pơklaih rơngai mơnuih ƀôn sang Sri Lanka (JVP), ƀrô tal rai čuă gưl kơnuk kơna pơ Việt Nam hăng nao ngă yang phơ̆t đản Sang gum hơbit djop dêh čar (Vesak).

VOV4Jarai-Lơphet hơdor glăi 50 thun Hrơi Tlaih rơngai kual Dơnung dêh čar, pơlir hơbit lŏn ia amăng lơ 30/5 ƀơi ƀôn prong Hồ Chí Minh. Mông ngă lơphet hơdor glăi kơdrưh kơdrom hăng prong, hăng tơlơi gum hrŏm mơ̆ng hơdôm rơbăn čô mơnuih ƀôn sang hăng tuai dêh čar tač rơngiao.

VOV4.Jarai – 50 thun pơlir hơbit lŏn ia, mơnuih ƀôn sang Dap Kơdư glăk djă pioh, ngă tui gru grua bôh thâo đưm pioh hmâo tơlơi hơdip mơda klă hiam hloh

VOV4.Jarai-Tal kơsung blah djă anăn Hồ Chí Minh hing ang-tơlơi blah khut khăt khom dưi, jơlan hơdră dăp hlâo hlom bom či kơsung nao hăng tơgŭ blah bơyan phang thun 1975-jing gru kơđŏm bơngač hloh, djă pioh tơlơi ră ruai glăi rơnuk blah Mi, kiăng pơklaih rơngai lŏn ia pơđut hĭ hăng boh tơhnal tŭ yua yom, pơklaih rơngai hlom bom kual Dơnung, pơlir truh kih lŏn ia jing sa.