VOV4.Jarai-Tlam lơ 11/5, tui hăng mông dêh čar anai, Khua git gai ping gah ơi Tô Lâm hrŏm hăng bơnai ñu laih anun grup khua mua mơ̆ng dêh čar Việt Nam truh laih pơ tơdron rơdêh por jar kmar Minsk nao čuă sit nik gưl kơnuk kơna dêh čar Belarus, tui hăng tơlơi jak iâu mơ̆ng Khua mir sir ơi Alexander Lukashenko.

VOV4.Jarai - Ơi Đỗ Việt Hưng – Khua Gơnong bruă prăk kak tơring čar Gia Lai brơi thâo, Gơnong bruă glăk gum hrŏm hăng hơdôm anih anom pioh pel ĕp glăi abih bang kông ngăn hăng prăk pơkă mă yua, čih pơkra jơlan gah pơsir lăp djơ̆.

VOV4.Jarai - Tom brơi (11/5), ƀơi Ƀirô mă bruă Gong gai dêh čar, Khua dêh čar ơi Phạm Minh Chính, Khua Grŭp črâo ba bruă dêh čar pok pơhai lŏm lui sang tơ̆i, sang răm amăng đơ đam dêh čar, git gai Mông jơnum lok 4 mơ̆ng Grŭp črâo ba.

VOV4.Jarai-Yap truh akŏ blan 5/2025, tơring čar Gia Lai hơmâo man pơdong hăng pơkra ming 6.712 boh sang, dưm dưm 82,31% tui mrô pơkă ruh pơkra glăi giăm 8.500 boh sang dŏ jang jai, sang tơ̆i phŏ amăng tơring čar; hơmâo jao 3.411 boh sang, dưm dưm 41,83% tui tơlơi pơkă. Sit biă ñu brơi ƀuh, tơring čar hơmâo hruă kjăp tơlơi črâo trun pơprong mơng gơnong glông, laih dong hơmâo ƀuh lu hơbô̆ bruă, bruă ngă pơčeh phrâo djru brơi jơlan hơdră pok pơhai tañ, tŭ yua, sit biă ñu amăng kual ataih, asuek. Mơng anun ngă lar hyu tañ tơlơi yâo mơ-ak lơm hơmâo sang dŏ phrâo amăng hơdôm boh sang gum pơgôp brơi sang anŏ ƀun rin, pơtrut pran jua kiăng neh met wa hrưn đĭ, laih dong pơgôp ngă tui truh kih tơlơi pơtrun mơng Kơnuk kơna.

VOV4.Jarai-Jơnum min mơnuih ƀôn sang tơring čar Gia Lai glăk ječ ameč pok pơhai hơdôm hơdră bruă kiăng pơhlôm bruă wai lăng klă hơdôm jơlan hơdră, akŏ bruă tuh pơ alin man pơdong amăng hrơi mông prap dưm dăp, pơmut anih anom mă bruă ƀon lan.

VOV4.Jarai-Amăng hơdôm hrơi nao čuă sit nik dêh čar Nga hăng nao ngă lơphet hơdor glăi 80 thun blah dưi amăng tal blah wang wai pơgang lŏn ia hing ang, mơmŏt lơ 9/5, tui tơlơi kiăo tui lăng mơng Khua git gai Ping gah dêh čar ơi Tô Lâm, anom bruă rơdêh por dêh čar (Vietnam Airlines) pơphun mông ngă lơphet lăi pơthâo glông por tơpă kơplah wah Hà Nội hăng Moscow.

VOV4.Jarai - Jơnum min mơnuih ƀôn sang tơring čar Dak Lak phrâo hmâo hră pơ-ar črâo ba hơdôm gơnong bruă, anom bruă hăng tơring glông, plơi prong bruă pơhlôm klă gơnam ƀong huă, pơgang pơgăn ngă ruă măt hăng pơsir tơpă hơdôm tơlơi ngă soh.

VOV4.Jarai - Lơ 9/5, tơring čar Kon Tum pơphun Jơnum bôh thâo phrâo lăi pơthâo “Tơlơi pơsit tơlơi lŏn pơpư̆ ƀơi tơring čar Kon Tum – Tơlơi hmâo hăng jơlan pơsir”.

VOV4.Jarai - Ƀrô djơ̆ hrơi Jơnum ngă yang Phơ̆t đản – Phơ̆t lịch 2569 – Tui thun ta yua ră anai lĕ 2025, mơguah tom brơi (09/05), grŭp hyu mă bruă mơ̆ng Ping gah tơring čar, Khul khua pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam dêh čar Việt Nam tơring čar Dak Lak hmâo nao čuă, hơ-ưč hmưi Grŭp git gai bruă Khul đăo phơ̆t Việt Nam tơring čar hăng sa dua anih anom jơnum sang phơ̆t ƀơi Buôn Ma Thuột.

VOV4.Jarai - Hơdôm tơlơi gir ƀu pơdơi pơdă mơ̆ng Khul đăo phơ̆t Việt Nam hăng gong gai ƀôn prong Hồ Chí Minh amăng bruă gơgrong hăng pơphun Jơnum Vesak Sang gum hơbit djŏp dêh čar thun 2025 hơmâo kual mơnuih đăo Phơ̆t ƀơi rŏng lŏn tơnah tŭ yap hăng bơni biă.