VOV4.Jarai-Tlam lơ 11/3, tui tơlơi git gai mơng Khua git gai Ping gah, Khua dêh čar ơi Phạm Minh Chính, Khul apăn bruă Ping gah kơnuk kơna hơmâo pơčrông sai kơ akŏ bruă dưm dăp glăi anih anom mă bruă djop gưl hăng pơjing hơbô̆ bruă pơphun gong gai ƀon lan hăng 2 gưl.

VOV4.Jarai-Tlam tom brơi (11/3), Khua git gai Ping gah dêh čar ơi Tô Lâm hrŏm hăng bơnai ñu laih dong grup khua mua pơprong mơng dêh čar ta nao truh laih pơ tơdron rơdêh por Changi, pơphun hơdôm bruă mă amăng tal nao čuă sit nik dêh čar Singapore tui tơlơi jak iâu mơng Khua git gai Ping gah ngă bruă mơnuih ƀôn sang (PAP), Khua dêh čar Singapore Lawrence Wong.

VOV4.Jarai - Čơtlăm tom brơi (11/3), ƀơi Sang mă bruă Khua pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Trần Thanh Mẫn hmâo tŭ jum laih Khua gum bruă phara Khul pơlir hơbit giăng mah Japan hăng Việt Nam Takebe Tsutomu glăk rai čuă, mă bruă ƀơi Việt Nam.

VOV4.Jarai - Čơtlăm lơ 11/3, tơdơi kơ truh pơ̆ Singapore, Khua git gai Ping gah dêh čar ta ơi Tô Lâm hmâo tŭ jum khua hơdôm grŭp, anom bơwih ƀong prong dêh čar Singapore.

VOV4.Jarai-Amăng hơdôm bruă mă Jơnum ngui bruă kơphê Ƀuôn Ma Thuôt tal 9, mơguah lơ 11/3 hơmâo pơphun jơnum bơkơtuai “Bruă sĭ mơdrô hăng jar kmar-Pơtruh nao rai, pơđĭ rơnoh hiam kơphê Việt”.

VOV4.Jarai-Mơguah lơ 11/3, ƀơi sang bruă pơ ala mơnuih ƀôn sang či plơi prong jưh jom dêh čar Indonesia, ơi Tô Lâm Khua git gai ping gah dêh čar ta hơmâo bưp khua khul pơ ala djop djuai ania mơnuih ƀôn sang Indonesia, ơi Amad Muzani.

VOV4.Jarai-VOV4.Jarai-Ngă tui Hră klah čun mrô 127, lơ 28/02/2025 mơ̆ng Ding jum Kơđi čar hăng Khul git gai ping gah dêh čar, tơring čar Kon Tum brơi lui abih jăng jai jơnum ruah khua ping gah gưl să hăng tơring glông. Hăng hơdôm boh să, tơring kual 10 boh tơring glông, plơi prong amăng tơring čar hơmâo pơphun laih jơnum ruah khua ping gah, ăt pok pơhai bruă mă, ngă tui tơhnal pơkă pơđĭ kyar hlăk ngă tui hmar laih anun ƀu pơmin nao kơ tơlơi dŏ tơguan, pơđing nao bruă dăp glăi, kah pơpha bruă mă amăng glông bruă kơđi čar.

VOV4.Jarai-Amăng mông mơak hrŏm hing ang biă mă hơdôm hrơi lơ̆m blan 3 hơdor glăi 50 thun pơklaih rơngai kual Dap Kơdư, lơ 10/3, Kơ-iăng Khua mir sir yă Võ Thị Ánh Xuân nao čuă hăng mă bruă ƀơi tơring čar Kon Tum.

VOV4.Jarai-Tom brơi (10/3), tơring čar Dak Lak pơphun yôm tal hơdor glăi 50 thun blah dưi Buôn Ma Thuột, pơklaih rơngai tơring čar Dak Lak.

VOV4.Jarai-Ăt amăng mơguah lơ 10/3, khua git gai Ping gah dêh čar hăng bơnai ñu hrŏm hăng khua mua pơprong mơng Việt Nam hơmâo nao čuă Khul čih pioh kual ASEAN ƀơi plơi prong jưh jom Jakarta.