Amăng rơwang bruă phrâo, Ping gah Ding jum pơtô pơhrăm pơsit đing nao 10 bruă jao phun, pơplih amăng pơdŏng Ping gah hăng ngă tui bruă kơđi čar.

Kơ-iăng Khua dêh čar ơi Lê Thành Long pơsit yôm jơlan gah, bruă jao hmâo lăi amăng Tơlơi lăi pơthâo glăi bruă kơđi čar, hrŏm hăng anun pơtă Ping gah khom đing nao 6 tơlơi phun: Pơdŏng Ping gah klă hiam, kơjăp kơtang; pơđĭ dlông kơjăp nai pơtô; ngă giong hơdră wai lăng pơtô pơhrăm; pơđĭ kyar pơtô pơhrăm gưl dlông; pơkă kual sang hră anih hrăm; pơdŏng sang hră djơ̆ tui tơlơi kiăng pơhrăm nao hrŏm hăng pơplih phrâo plơi prong, biă ñu sang hră hmâo kơnuk kơna rông ƀơi 248 bôh să guai dêh čar./.