Tlam lơ 20/8, ƀơi sang bruă Ping gah, Grup mă bruă mrô 2 hăng mrô 3 mơ̆ng Ding jum kơđi čar yua Khua dêh čar ơi Phạm Minh Chính hăng Khua git gai pơ ala mơnuih ƀôn sang dêh čar ơi Trần Thanh Mẫn git gai, hơmâo ngă bruă hăng Khul khua apăn bruă Ping gah tơring čar Sơn La, Thanh Hóa, Bắc Ninh, Lạng Sơn. Mông jơnm pơƀut pơgôp hiăp kơ hră pơ-ar tơlơi pơtrun hăng bruă ruah mơnuih ngă khua pơdah thâo pơ mông Jơnum ruah khua Ping gah rơwang thun 2025-2030. Hơdôm grup ngă bruă hơmâo hmư̆ tơlơi lăi pơthâo kơ bruă kơđi čar, hră lăng glăi hơdôm bruă aka ƀu dưi ngă mơ̆ng ƀing khua, bruă ruah mơnuih ngă khua hăng Tơlơi pơtrun Jơnum ping gah.

Khua mua Ding jum kơđi čar, Khul khua git gai ping gah tŭ ư, laih dong pơhrua tui hơdră ngă bruă yôm phun, ngă rơđah tơlơi gêh gal, tơlơi dưi hăng tơlơi kiăng đĭ kyar mơ̆ng rim kual plơi pla. Hơdôm boh tơring hơmâo kiăng hmư̆ djŏp tơlơi pơgôp hiăp mơ̆ng Ding jum kơđi čar, Khul khua git gai Ping gah hăng djŏp anom bruă mơ̆ng Gơnong dlông či čih pơkra giong hră pơ-ar, tơlơi pơtrun, prăp lui klă kơ mông Jơnum ruah khua ping gah pơ anăp anai./.