Mơmŏt lơ 21/8, ƀơi tơdron lăk Ba Đình (Hà Nội), Khul rơbat pơtrui tơhan pơphun mut hrŏm pơtop hrăm bruă pơtrui tơhan pioh hơdor glăi 80 thun tal ngă hơkrŭ blan 8 hăng 80 thun hrơi akŏ pơjing Kơnuk kơna lơ 2/9. Rơbêh 16.300 čô tơhan, kông ang hăng 43 grup dŏ dong, 18 grup rơbat, 6 grup rơdêh pơnah kơnông ling tơhan hăng 8 grup rơdêh blah ngă mut hrŏm pơtop hrăm. Sit biă ñu, hơmâo tơlơi mut hrŏm mơng ling tơhan dêh čar Nga, Lao hăng Kur, pơdah rơđah jơlan gah pơtom hiăp gah bruă ling tơhan mơng Việt Nam.

Tơdơi kơ mông pơtop hrăm hrŏm, Đại tướng Phan Văn Giang, Khua ding jum ling tơhan, lăng yôm pran gơgrong mơng ling tơhan, sit biă ñu lĕ grup dŏ dong, ƀing gơñu dŏ hơđong sui hơdôm mông mơtăm. Khua ding jum đăo gơnang, amăng hrơi ngă lơphet pơprong, djop khul ling tơhan amra pơgiong truh kih bruă jao.