Tui hăng tơlơi lăi pơthâo hăng hơmâo pơčrong sai, Khua git gai ping gah lăi pơtong, bruă mă či pơphun jơnum, čơkă jum tuai khua mua pơprong khom ngă tui tong ten, đing nao kơ ƀing khua mua pơ ala sang anŏ hơmâo djru kơ bruă hơkrŭ lŏn ia, mơnuih tha rơma laih, ƀing hơmâo anăn kơnuk kơna djru ba. Anai lĕ, mông pioh hơdor tơngia, bơni hơ-ơč mơ̆ng Ping gah, Kơnuk kơna hăng mơnuih hơmâo tuh drah pơčah asar kơ lŏn ia.

Khua git gai ping gah pơtă hlâo, mrô mơnuih ƀôn sang hăng tuai rơnguai glăi pơ Hà Nội ƀrô tal anai amra lu biă mă, sit mơ̆n amra pơdjơ̆ nao kơ tơlơi rô rơbat, anih dŏ dong ƀong huă, mut jơnum hrŏm. Yua kơ anun, Khul git gai mơ̆ng Gơnong dlông hăng ƀôn prong Hà Nội kiăng prăp lui tong ten, lu hơdră čơkă jum, wơ̆t hăng hrơi mông mah adai hơjan hlim ƀu gêh găl hai. Hrŏm hăng bruă ngă čơkă jum tong ten, kơdrưh ang, bruă mă pơgang tơlơi rơnuk rơnua hơđong khom gleng nao hlâo hloh, kiăng djop bruă mă anet prong amăng mông jơnum hơdor glăi anun jing hrơi jơnum prong mơak kơ abih bang mơnuih ƀôn sang amăng lŏn ia.