Mơguah lơ 21/8, Jơnum min gah gru grua hiam-Mơnuih mơnam mơ̆ng sang bruă khua pơ ala mơnuih ƀôn sang dêh čar ngă hrŏm djop jơnum min hăng anom bruă pơdjơ̆ nao, lăi pơthâo kơ bruă ngă tui jơlan hơdră, tơlơi phiăn pơhlom, pơgang ia jrao ngă mă ča, mơnong ƀong huă ngă mă ča hla tui anăn gơnam arăng. Hră lăi pơthâo brơi ƀuh, tơlơi pơhing arăng pơkra rai ia jrao ngă mă ča, ia jrao ƀu sit hăng mơnong ƀong huă ngă mă, hla tui anăn gru mơ̆ng arăng ngă hlâo ăt dŏ hơmâo đôč, tơnap tap biă mă, tơlơi anun amra ngă sat drơi jăn suaih pral, tơlơi hơdip mơda mơnuih ƀôn sang laih anun bơbeč truh kơnuih gah anom bruă ia jrao dêh čar.

Mơ̆ng akŏ thun 2024 truh ră anai, tơhan anom bruă wai lăng anih sĭ mơdrô hơmâo pơsir tơlơi soh rơbêh 11.600 wơ̆t tơlơi ngă soh glăi, đŭ prăk rơbêh 76 klai; kơnong ia jrao gun pơkra ming sĭ mơdrô hăng gơnam sĭ mơdrô mơnong ƀong hăng ia jrao lăi sản phẩm chức năng hơmâo 345 tơlơi soh, đŭ 29 klai prăk, gơnam hơmâo mă ngă kơnôl tơlơi soh hăng rơnoh 14 klai prăk.

Khua ding jum ia jrao yă Đào Hồng Lan lăi pơtong, ia jrao ngă mă ča hăng mơnong ƀong huă ngă mă ča sa tơlơi soh sat kơtang biă mă, kiăng abih bang khom ngă hrŏm djru pơsir, ngă khut khăt hrŏm abih amăng glông bruă kơđi čar.

Thun blan laih rơgao, Kơnuk kơna, djop ding jum, anom bruă hăng djop tơring čar pok pơhai lu hơdră ngă tui, samơ̆ ăt dŏ lu tơlơi kơƀah amăng tơlơi phiăn hăng hơdră pơphun tơgŭ mă bruă.