VOV4.Jarai - Ƀrô hrơi Tê̆t thun phrâo Ất Tỵ 2025 hăng anăp nao ngă lơphet 95 thun Hrơi akŏ pơjing Ping gah cộng sản Việt Nam, tlam lơ 17/1, ƀơi Hà Nội, Khua git gai Ping gah ơi Tô Lâm nao tŭi ñang hơ-ŭ kơ Khua git gai Ping gah hơđăp rơgŏm ơi Lê Duẩn, Đỗ Mười, Lê Khả Phiêu ƀơi sang anŏ gơñu.

VOV4.Jarai-Yang hrơi dong lơ 17/1 (tui mông ƀơi dêh čar Ba Lan), ƀơi Ƀirô Khua pơ ala mơnuih ƀôn sang dêh čar Ba Lan, Khua dêh čar ơi Phạm Minh Chính hơmâo mông bưp hăng Khua git gai pơ ala mơnuih ƀôn sang gơnong yŭ dêh čar Ba Lan Szymon Holownia.

VOV4.Jarai-Tom brơi (17/1), Kơ-iăng Khua git gai pơ ala mơnuih ƀôn sang, thượng tướng Trần Quang Phương hrŏm hăng grup hyu mă bruă mơng gơnong glông nao čuă, pơpŭ thun phrâo ƀing apăn bruă, ling tơhan hăng mơnuih ƀôn sang tơring glông giăm guai Tuy Đức, tơring čar Dak Nông.

VOV4.Jarai-Kơ-iăng Khua dêh čar, Khua ding jum pơtom hiăp dêh čar ơi Bùi Thanh Sơn phrâo nao lăng jơlan hơdră “Tết tum jơngum-Bơyan bơnga pơpŭ Ping gah” hăng "Sang čơ khul mơnuih mă bruă mut phung thun 2025” ƀơi ƀôn prong Hải Phòng.

VOV4.Jarai-Mơguah lơ 17/1, tơring čar Dak Lak pơphun jơlan hơdră bơyan bơnga plơi pla kiăng bưp mơnuih hơdip pơ tač rơngia hrŏm hăng sang anŏ glăi ngui tết Ất Tỵ thun 2025.

VOV4.Jarai - Amăng jơlan hơdră nao čuă sit nik dêh čar Ba Lan, Khua dêh čar ơi Phạm Minh Chính hăng Grŭp khua pơ ala kơ Việt Nam hmâo bưp laih mơnuih apăn bruă, mơnuih mă bruă ƀơi ƀirô anih jưh hăng mơnuih Việt Nam ƀơi dêh čar Ba Lan.

VOV4.Jarai - Mơguah lơ 17/1, Ping gah tơring čar Lâm Đồng hmâo pơphun jơnum lăi pơthâo Tơlơi pơsit pơmut hrŏm Grŭp pơtô bruă Ping gah hăng Grŭp pơtô ba mơnuih ƀôn sang Ping gah tơring čar. Anai lĕ khul dưi pơmut hrŏm, ngă rơbô̆t blung a dưi lăi pơthâo mơ̆ng tơring čar Lâm Đồng.

VOV4.Jarai - Lơ 15/1, ƀơi sang bruă Mir sir, Khua mir sir ơi Lương Cường tŭ jum Khua dêh čar Nga Mikhail Mishutin hăng grup khua mua pơ ala Kơnuk kơna Nga amăng tal rai čuă sit nik dêh čar Việt Nam.

VOV4.Jarai - Tŏ tui bruă nao čuă jơmư tơring čar Gia Lai, tom brơi lơ 15/1, Kơ-iăng khua mir sir yă Võ Thị Ánh Xuân hrŏm hăng grup mă bruă nao dưm bơnga, tŭi ñang kơ Khua mir sir Hồ Chí Minh ƀơi Tơdron lăk Đại Đoàn Kết hăng tŭi ñang Tơhan sông kơtang djai pơsăn drơi kơ lŏn ia ƀơi Pơsat tơhan tơring čar Gia Lai.

VOV4.Jarai - Khua git gai Ping gah ơi Tô Lâm ba jơlan khua mua Ping gah glăi tŭi ñang, dưm bơnga hơdor kơ Khua git gai Ping gah hơđăp rơgŏm ơi Trường Chinh ƀơi Gong kut hăng Sang pioh gơnam Khua git gai Ping gah Trường Chinh.