Mơguah lơ 13/8, Khua git gai ping gah ơi Tô Lâm hăng Bơnai ñu hrŏm hăng grup khua mua pơprong mơ̆ng Việt Nam, pơpĕ đuăi laih mơ̆ng Seoul, nao pơ ƀôn prong Busan, hyu čuă jơmư amăng tal nao čuă gưl Kơnuk kơna truh pơ Hàn Quốc. Laih truh pơ ƀôn prong Busan, Khua git gai ping gah dêh čar ta ơi Tô Lâm, tŭ jum khua hơđăp pơ ala brơi Việt Nam ơi Park Soo Kwan ƀơi Hàn Quốc.

Ƀơi mông bưp, Khua git gai ping gah ơi Tô Lâm brơi thâo, hăng tơhnal pơkă, brơi kơtưn bruă ngă pơtom hiăp Việt Nam amăng kual gah dơnung dêh čar Hàn Quốc, laih dơ̆ng ngă tui djop tơlơi kiăng jai hrơi lu mơ̆ng mơnuih ƀôn sang Việt Nam hăng hơdôm bơnah ngă hrŏm amăng kual, Ding jum pơtom hiăp Việt Nam hơmâo akŏ pơdong sang bruă khua anih jưh pơ ala brơi Việt Nam ƀơi ƀôn prong Busan. Kiăng bruă mă mơ̆ng sang bruă khua anih jưh pơ ala Việt Nam ƀơi ƀôn prong Busan dưi gêh găl hăng mă bruă tŭ yua sit nik, Khua git gai ping gah čang rơmang ơi Park Soo Kwan ăt đing nao djru ba hăng ngă gêh găl brơi Khua anih jưh pơ ala phrâo mơ̆ng Việt Nam ƀơi ƀôn prong Busan, Hàn Quốc mă bruă hruaih hloh pơ anăp anai.