Amăng 4 hrơi dŏ čuă jơmư Hàn Quốc, ơi Tô Lâm, Khua git gai ping gah dêh čar ta hơmâo jơlan hơdră mă bruă lu biă mă hăng hơmâo mông bơkơtuai nao rai, bưp tơdruă laih anun pơčrong sai hăng khua mua gưl kơnuk kơna dêh čar Hàn Quốc; bưp khua mua pơprong, anom bruă sĭ mơdrô, bơwih ƀong huă, gru grua hiam, ƀing mơnuih rơgơi kơhnâo, bưp mơnuih ƀôn sang Việt Nam dŏ ƀơi Hàn Quốc laih anun ƀing gơyut gơyâo mơnuih djuai ania Hàn Quốc khăp pơpŭ kơ Việt Nam.

Boh tơhnal tal nao čuă jơmư anai, dua bơnah hơmâo kĭ 50 pok hră ngă hrŏm djop ding jum, anom bruă, khul grup, sang bruă mơdrô laih anun tơring čar dua bơnah, ngă hrŏm djop bruă kiăng ngă hăng kơtưn gum hrŏm djop tơring čar gah Việt Nam hăng lu sang bruă mơdrô gah dêh čar Hàn Quốc. Hơdôm boh tơhnal yom dưi tŭ mă amăng tal nao čuă jơmư anai, jing tơmeh phun ngă atur pok rai sa jơlan hơdră, bơnah phrâo pơčrang bơngač kơ bruă ngă giăng mah, pŭ ƀăn hlom bom dua bơnah dêh čar amăng rơnuk pơblih phrâo.