Anai jing tơlơi prăp rơmet prong biă kiăng djru klă kơ ƀing mơnuih dưi ƀong prăk pơdơi bruă hlâo kơ hrơi pơkă rơnuč lĕ 31/8, tui hăng Tơlơi pơtum mrô 183 mơ̆ng Ding jum kơđi čar. Truh ră anai, Dak Lăk hơmâo brơi prăk kơ 709/2.608 čô mơnuih dưi ƀong prăk tui Tơlơi pơtrun 178, hăng mrô prăk rơbêh 704 klai prăk. Mrô dŏ glăi 1.899 čô mơnuih dong, kiăng hơmâo rơbêh 2.164 klai prăk či brơi nao. Gơnong bruă prăk tơring čar Dak Lăk brơi thâo mrô prăk hơmâo Kơnuk kơna pơhrua tui laih, hăng rơbêh 626 klai prăk, prăk mơ̆ng tơring čar lĕ 195 klai prăk, dŏ kơƀah rơbêh 1.343 klai dong, glăk rơkâo Kơnuk kơna brơi nao dong.

Yă Hồ Thị Nguyên Thảo, Kơ-iăng khua Jơnum min mơnuih ƀôn sang tơring čar Dak Lăk kiăng hơdôm gơnong bruă, anom bruă lăng glăi, pơkra pơhrua tui hră pơ-ar, pơhlôm kĭ brơi hăng pơƀut glăi tañ kiăng Ding jum prăk kăk brơi pơhrua nao prăk, tla brơi djŏp kơ ƀing khua mua, mơnuih mă bruă tui hăng tơlơi pơtrun.