Klah čun mông jơnum, Khua git gai Ping gah dêh čar ta ơi Tô Lâm pơsit yôm tơlơi gir run mơ̆ng Ping gah Gong gai dêh čar, Ping gah Ding jum tơlơi phiăn, Ping gah Ding jum prăk kak, Ping gah Ding jum kơsem min bôh thâo phrâo hăng hơdră mă yua măi mok hăng Ping gah hơdôm ding jum, gơnong bruă amăng ƀiă hrơi hmâo ngă giong laih mrô bruă prong, hmâo tơhnal tơnap hăng ba tơbiă hơdôm jơlan pơsir pơtlaih tơlơi tơnap, tơlơi gun yua kơ tơlơi pơkă amăng tơlơi phiăn.

Blung a, hơdôm anô̆ ngă đôm dưi thâo khom dưi pơsir mơtăm, khut khăt, ƀu pioh ngă gun pơđĭ kyar hăng pok tơbiă ngăn rơnoh. Pơ̆ anăp anai, rơkâo Ping gah Khua pơ ala mơnuih ƀôn sang dêh čar, Ping gah Gong gai dêh čar črâo ba pơhrua nao dong sa dua mơta Rơwang bruă Tơlơi phiăn kiăng hloh mut amăng Jơlan hơdră bruă čih pơkra tơlơi phiăn thun 2025 mơ̆ng Khua pơ ala mơnuih ƀôn sang dêh čar, pel ĕp amăng Tal jơnum lok 10 Khua pơ ala mơnuih ƀôn sang tal 15 pioh pơsir mơtăm hơdôm tơlơi dô̆ gun bơdjơ̆ nao Tơlơi phiăn; Ping gah Gong gai dêh čar črâo ba ngă giong dong bôh tơhnal pel ĕp glăi, pơhlôm djơ̆ jơlan gah pơsir hơdôm tơlơi tơnap, tơlơi gun lăi nao hmâo tŭ mă amăng hơdôm hrơi rơgao./.