Khua git gai pơ ala mơnuih ƀôn sang dêh čar lăi rơđah, gum hrŏm khua pơ ala mơnuih ƀôn sang ƀu kơnong kơ bruă lăi pơthâo tơlơi găn rơgao amăng bruă khua pơ ala mơnuih ƀôn sang ƀudah pel ĕp hơdôm tơlơi pơtrun pơsit ôh mơ̆, ñu dô̆ jing tơlơi pơkôl pơlih tơlơi pơhiăp jing bruă mă, pơplih tơlơi pơmin jing ngă tui hăng pơplih čang rơmang jing tơhnal gal kơ ha klai čô mơnuih ƀôn sang ƀơi rŏng lŏn tơnah.

Yua anun, mơnuih pơ ala gum pơhiăp kơ pran gơgrong, tơlơi čang rơmang mơ̆ng mơnuih ƀôn sang, khom pơhlôm lĕ, hơdôm hơdră bruă, tơlơi phiăn dưi pơjing hluai tui hơdôm anô̆ yôm phun; rơnuk rơnua, dưm kơnar hăng tơpă. Kiăng hmâo hơdôm tơhnal ba tơbiă, Khua git gai pơ ala mơnuih ƀôn sang dêh čar lăi 4 mơta tơlơi ba tơbiă jơlan gah pơsit kơ gum hrŏm anom mă bruă hrŏm pơ̆ anăp anai. Ñu iâo pơthưr abih bang ƀing khua pơ ala mơnuih ƀôn sang ƀơi đơ đam rŏng lŏn tơnah hơduah ĕp glăi tơlơi djơ̆ hrŏm, yak rơgao tơlơi phara, gum hrŏm pran jua pơdŏng sa pơgi kơdih anai, anih djop mơnuih ƀôn sang leng kơ dưi hơdip amăng tơlơi rơnuk rơnua, dưm kơnar, pơđĭ kyar./.