Ră anai đơ đam tơring čar Lâm Đồng hmâo truh 93 bôh să, phường akă hmâo mơnuih apăn bruă gah măi mok kompiutơr, 60 bôh anih anom kơƀah mơnuih mă bruă gah kông ngăn glai klô – rơhuông adai lŏn mơnai, 33 bôh să kơƀah mơnuih apăn bruă gơgrong man pơdŏng, hăng lu anih anom ăt dô̆ kơƀah mơn mơnuih mă bruă ƀơi hơdôm bruă yôm phăn kah hăng tơlơi phiăn, jŭ yap prăk, wai lăng lŏn mơnai...

Lăp bơngot, sa dua bôh plơi pla truh ră anai ăt akă djop mơn khua git gai apăn bruă phun, bơdjơ̆ nao ƀơi anăp hơdôm bruă čar ƀơi plơi pla. Tui hăng ơi Hồ Văn Mười – Khua Jơnum min mơnuih ƀôn sang tơring čar Lâm Đồng, tơlơi kơƀah mơnuih mă bruă ƀơi gưl să jing tơlơi kiăng ngă tañ, tơdah ƀu pơsir hmao tlôn amra jing anô̆ dô̆ đôm amăng wai lăng kơnuk kơna, ngă kaih rơnoh bruă pơsir hră pơ-ar hăng ngă mơnuih ƀôn sang, anom bơwih ƀong ƀu đăo kơnang kơ jơlan glông mă bruă gong gai./.