VOV4.Jarai-Hăng giăm 17 klăk čô mơnuih, amăng anun hơmâo rơbêh 7 klăk čô glăk mut hrŏm bơwih ƀong huă, giăm 750 rơbâo čô mut hrŏm amăng bruă Ping gah, gong gai, jơnum min djop djuai ania mơnuih mơnam…mơnuih tha rơma ƀơi dêh čar Việt Nam glăk tŏ tui gru grua “Mơnuih tha rơma ba gru hiam, jai tha rơma jai gir kơtir mă bruă”, lêng pơdah pran gơgrong amăng djop mơta bruă amăng tơlơi hơdip mơda.

VOV4.Jarai-Tlam lơ 30/9, ƀơi plơi prong Buôn Ma Thuột, tơring čar Dak Lak pơphun jơnum jar kmar kiăng hrưn đĭ klă dong amăng wai lăng mơng kơnuk kơna kơ bruă pơgang ba mơnuih blơi yua gơnam.

VOV4.Jarai-Tŏ tui jơlan hơdră bưp mơnuih ƀôn sang hlâo kơ jơnum lok 8, tlam lơ 30/9, Khua git gai pơ ala mơnuih ƀôn sang dêh čar ơi Trần Thanh Mẫn bưp 450 čô mơnuih ƀôn sang ƀơi plơi prong Vị Thanh, tơring čar Hậu Giang.

VOV4.Jarai-Tlam lơ 30/9, amăng tal nao čuă gưl Kơnuk kơna pơ dêh čar Mông Cổ, Khua git gai Ping gah, Khua mir sir ơi Tô Lâm hơmâo mông bưp Khua git gai pơ ala mơnuih ƀôn sang dêh čar Mông Cổ Dashzegve Amarbayasgalan.

VOV4.Jarai-Mah hơmâo mă yua 3 klai prăk kiăng kơ man pơdong, samơ̆ sang čơ să Ia Hla, tơring glông Chư Pưh, tơring čar Gia Lai glăk luh ruh. Mơnuih sĭ mơdrô gơnam jai hrơi ƀiă tui ƀơi sang čơ anai, ƀing gơñu hơdai nao sĭ rôk jơlan ƀơi hơdôm ară jơlan tơkuh nao rai hơmâo lu mơnuih blơi.

VOV4.Jarai-Tŏ tui jơlan hơdră bưp mơnuih ƀôn sang hlâo jơnum lok 8, Khua pơ ala mơnuih ƀôn sang dêh čar tal XV, mơguah lơ 30/9, Khua git gai pơ ala mơnuih ƀôn sang dêh čar ơi Trần Thanh Mẫn hăng ƀing khua pơ ala mơnuih ƀôn sang tơring čar Hậu Giang hơmâo mông bưp mơnuih ƀôn sang ƀơi plơi prong Ngã Bảy, tơring glông Phụng Hiệp, tơring glông Châu Thành hăng tơring glông Châu Thành A.

VOV4.Jarai-Tlam lơ 30/9, Khua dêh čar ơi Phạm Minh Chính git gai jơnum khua mua amăng kơnuk kơna hăng khul git gai akŏ bruă man pơdong anom bruă prăk kăk jar kmar hăng kual ƀơi Việt Nam.

VOV4.Jarai-Lơ 29/9, Khua dêh čar ơi Phạm Minh Chính nao pel ĕp kơ bruă gum tơngan hrŏm ruh hĭ sang tơ̆i rơ̆i ƀơi tơring čar Hoà Bình.

VOV4.Jarai - Mơ̆ng lơ 30/9 truh kơ lơ 7/10/2024, Khua git gai Ping gah, Khua mir sir dêh čar ta ơi Tô Lâm amra čuă gưl Kơnuk kơna pơ̆ dêh čar Mông Cổ, Ireland, pơhmư̆ Jơnum gưl dlông yua tơlơi Prang tal 19 hăng čuă dêh čar Prang.

VOV4.Jarai - Rơwang hrơi tơjuh rơgao, rơbêh kơ 200 čô čơđai ƀu klă drơi jăn mơ̆ng muai kah hăng tơƀah tơƀông, rơkông đok, tơkai tơngan ƀu klă... ƀơi tơring čar Gia Lai hăng hơdôm bôh tơring čar jum dar hmâo breh pơjrao brơi đôč. Jơlan hơdră gum djru khăp pap anai ƀu kơnong kơ djru ƀing čơđai hơkrŭ glăi drơi jăn, ĕp glăi tơlơi pĕ klao ôh mơ̆ ñu dô̆ ba truh tơlơi čang rơmang kơ sang anô̆ ƀing čơđai dong