Amăng mông bưp, dua bơnah lăi pơtong tơlơi ngă giang mah sui thun, đăo gơnang, thâo hluh tơdruă lĕ tơlơi atur kiăng dua bơnah tŏ tui tŭ mă klă tơlơi dưi, tơlơi gal mơng rĭm boh dêh čar hăng pơtrut ngă hrŏm prong ƀiă dong kiăng ba tơlơi rô nao rai dua bơnah hrưn đĭ phrâo, ba glăi tơlơi dưi hrŏm hăng pơgôp pơđĭ kyar, hơđong amăng kual.

Khua git gai Ping gah pơsit tong hăng hơdôm tơlơi dưi mơng dêh čar ta, Việt Nam čang rơmang gum hrŏm hăng ngă hrŏm hăng Sri Lanka amăng pơđĭ kyar bơwih ƀong huă mơnuih mơnam. Dua bơnah ăt tŭ ư pok prong ƀiă dong bruă ngă hrŏm gah ngă hmua, pơtô pơjuăt, gru grua, pơbưp nao rai mơnuih ƀôn sang, tuai čuă ngui, tơlơi đăo, pơtrut tan bruă pok glông por tơpă djru brơi bruă ngă hrŏm, tơkuh nao rai dua boh dêh čar.