VOV4.Jarai - Ngă tui tơlơi črâo ba mơ̆ng Khua dêh čar, bruă hyu hơduah ĕp pơsir anô̆ pioh glăi mơ̆ng tơlơi truh lơm dô̆ mă bruă ngă kơtang ƀơi ring bruă pơdŏng drai ia pơkĕ apui dar hăng jua ia Đăk Mi 1, să Đăk Choong, tơring glông Đăk Glei, tơring čar Kon Tum ăt glăk ngă tui tañ mơn.

VOV4.Jarai - Thun rơgao, amăng đơ đam dêh čar pơphun lu bruă kơđi čar, bơwih ƀong – mơnuih mơnam yôm phăn. Gong phun jua pơhiăp dêh čar Việt Nam ruah mă 10 mơta tơlơi pơhing, tơlơi hmư̆ hing hloh amăng dêh čar thun 2024.

VOV4.Jarai - Thun 2024 phrâo pơđut lĕ sa thun hmâo hơdôm bôh than lăp ư-ang hăng pok tơbiă tơlơi čang rơmang prong hăng Dap Kơdư. Bôh than mơ̆ng kual ƀuh rơđah hloh amăng bruă đang hmua, hăng bôh tơhnal sĭ gơnam kơ dêh čar tač rơngiao pơplih phrâo hăng lu gru pơđom pioh pơđĭ kyar tui jơlan dơlăm. Čang rơmang mơ̆ng Dap Kơdư dưi tuh pơplai ƀudah dưi pơsit jơlan gah tuh pơplai hơdôm jơlan nao rai đuăi hmar, tô nao rai kual hăng kual ia rơsĭ Tŏng Krah dêh čar hăng kual Ngŏ Dơnung dêh čar, pok tơbiă tơhnal pơđĭ kyar tañ hăng pơhlôm abih bang.

VOV4.Jarai-Hơdôm thun giăm anai, bruă mă pơđĭ kyar ping gah amăng khul wai lăng sang bruă sĭ mơdrô gah rơngiao kơnuk kơna ƀơi Dak Lak hơmâo lu tơlơi pơblih klă. Rim thun, djop sang bruă, khul ping gah amăng sang bruă bơwih ƀong huă sĭ mơdrô lêng kơ hơmâo pơmut ping gah hăng ngă lu hloh tơhnal pơkă. Boh tơhnal anai hơmâo djru hrŏm akŏ pơdong sang bruă sĭ mơdrô hơđong tui, laih dơ̆ng ngă kơtang git gai mơ̆ng ping gah amăng bruă bơwih ƀong huă sĭ mơdrô.

VOV4.Jarai-Jơnum min mơnuih ƀôn sang tơring čar Dak Lak pơtrun hiăp sang bruă kơnuk kơna lăi pơthâo rơđah rơđong hră pơsit anom bruă djop anŏ gêh găl brơi mă bruă pơkra ming anŏ hơdjă mơnong ƀong huă, sĭ mơdrô rơtă čăt amăng tơring čar, laih dơ̆ng, pơdah thâo hơdră pơsir wai lăng djop sang bruă pơkra ming, sĭ mơdrô rơtă čăt kơñ pơgi anai.

VOV4.Jarai-Tlam lơ 30/12, tom brơi, ƀơi Hà Nội, jơnum khua mua apăn bruă ping gah khul djop sang bruă kơnuk kơna ƀơi gơnong dlông lok 19, kiăng pơƀut bruă mă amăng thun 2024, pok pơhai bruă mă thun 2025.

VOV4.Jarai-Tlam lơ 30/12, ƀơi Anom bruă Kơnuk kơna, Khua dêh čar ơi Phạm Minh Chính hơmâo tŭ jum Kơ-iăng Khua dêh čar Lao, ơi Saleumxay Kommasith ƀrô tal rai čuă hăng mă bruă ƀơi Việt Nam.

VOV4.Jarai-Mơguah lơ (30/12), Jơnum min mơnuih ƀôn sang plơi prong Đà Lạt (tơring čar Lâm Đồng) pơphun mông pơpŭ ƀing kông ñơn ngă bruă hyu rơmet pơagaih hơmâo lu tơlơi pơgôp pơjing plơi prong Đà Lạt “Mơtah-agaih-hiam”, pơgôp ba glăi tơlơi truh kih mơng Festival bơnga Đà Lạt tal 10 thun 2024.

VOV4.Jarai-Tlam tom brơi (30/12), ƀơi Ƀirô mă bruă, anom bruă Khua pơ ala mơnuih ƀôn sang dêh čar, Ping gah anom bruă Khua pơ ala mơnuih ƀôn sang dêh čar hrŏm hăng hơdôm anom bruă, khul grup Jơnum lăng glăi bruă mă thun 2024, pok pơhai bruă jao thun 2025.

VOV4.Jarai-Ƀơi ƀôn prong Huế, tơring čar Thừa Thiên Huế phrâo pơphun mông lăi pơthâo tơlơi pơtrun mơng Ƀirô Khua pơ ala mơnuih ƀôn sang dêh čar kơ bruă akŏ pơjing ƀôn prong Huế, hăng lăi pơthâo tơlơi pơtrun mơng Jơnum min apăn bruă Khua pơ ala mơnuih ƀôn sang dêh čar kơ bruă dưm dăp glăi anih anom mă bruă gưl tơring glông, să mơng ƀôn prong Huế rơwang thun 2023-2025.