Khua git gai Ping gah lăng yôm hơdôm tơlơi gum pơgôp mơng khua anih jưh amăng bruă pơtrut tơlơi rô nao rai ngă hrŏm yôm phăn Việt Nam-Philippines; laih dong lăi pơtong thun 2025 lĕ thun pioh hơdor 10 thun akŏ pơjing tơlơi rô nao rai ngă hrŏm kơđi čar-pơtom hiăp, pơtrut pơbưp khua mua; gir run ba rơnoh sĭ mơdrô dua bơnah tañ truh 10 klai đôlar Mi. Laih dong, dua bơnah kiăng pok prong ngă hrŏm amăng hơdôm bruă pơgang rơnuk rơnua-ling tơhan, gru grua, pơtô pơjuăt, pơgang ayuh hyiăng pơplih sat.

Khua git gai Ping gah ơi Tô Lâm pơsit tong, Việt Nam amra gir run dong yua Philippines ngă truh kih tơlơi gơgrong ngă Khua git gai kual ASEAN thun 2026, laih dong gum hrŏm kjăp hăng hơdôm boh dêh čar kual ASEAN pơkŏn kiăng tŏ tui tơlơi gơgrong phun amăng kual, pơjing ană mơnuih kual ASEAN gum pơgôp, prong kơtang hăng pơđĭ kyar hơđong kjăp.