Anai lĕ sa tơlơi pơhing yôm amăng rơnuk rŏng lŏn tơnah glăk bŏng glăi hăng lu tơlơi lông kah hăng rung răng, ƀu dưm kơnar, pơplih ayuh hyiăng hăng tơlơi ƀu hơđong amăng pran jua mơnuih mơnam. Khua mir sir dêh čar lăi rơđah, Việt Nam lĕ sa bôh dêh čar hmâo phiăn juăt Đăo phơ̆t sui thun, nao hrŏm hăng gru grua pơdŏng lŏn ia hăng wai lăng lŏn ia.

Găn rơgao lu tơlơi amăng gru grua, Đăo phơ̆t Việt Nam lăng yôm na nao pran jua “Lŏn ia hơđong mơnuih ƀôn sang rơnuk rơnua”, tơlơi đăo nao hrŏm hăng djuai ania. Hơdôm anô̆ yôm kah hăng khăp kơ lŏn ia, pran jua thâo khăp pap, thâo anăp nao tơlơi klă mơ̆ng Phơ̆t hmâo mut dơlăm amăng pran jua mơnuih Việt hăng djru pơtrut đĭ gru grua bôh thâo djuai ania Việt Nam.

Nao pơhmư̆ hrŏm mông jơnum, Khua mir sir dêh čar Sri Lanka lăi rơđah truh tơlơi rô nao rai nao hrŏm hăng gum hrŏm hăng Việt Nam mơ̆ng lu thun hăng anai. Hrơi anai, tơlơi rô nao rai anun dưi hơkrŭ đĭ kơtang hloh. Khua pơ ala kơ lu dêh čar kah hăng Khač, India, Kur... hăng Khua čih pioh gah Sang gum hơbit djop dêh čar hmâo mơ-ĭt laih tơlơi pơhing kơ Vesak 2025./.