Ƀơi mông tŭ jum, Khua git gai ping gah ơi Tô Lâm lăi pơtong, Việt Nam lăng bruă pơđĭ kyar hăng dêh čar Mi, čang rơmang tơlơi jĕ giăm rô nao rai dua bơnah tong ten, tŭ yua hăng hơđong hloh amăng djop bruă, biă mă ñu tơlơi bơwih ƀong huă, sĭ mơdrô, tuh pơ alin, yua kơ anŏ tŭ yua sit nik kơ mơnuih ƀôn sang hăng anom bruă sĭ mơdrô mơ̆ng dua bơnah.

Ơi Daniel Rosen ƀuăn amra pơtrut bruă ngă hrŏm gah boh thâo ia rơgơi, tơlơi pơčeh phrâo ia rơgơi mơ̆ng ană mơnuih, pơtruh nao rai plah wah Việt Nam hăng Mi laih anun hơdôm dêh čar, akŏ pơjing lu bruă mă, ngă hrŏm rơđah rơđong gah boh thâo ia rơgơi, anŏ pơčeh phrâo ia rơgơi ană mơnuih pơjing rai. Ơi Daniel Rosen lăi pơtong amra gir run hloh pok pơhai kơčăo bruă tuh pơ alin ƀơi Việt Nam, djru hrŏm amăng bruă pơđĭ kyar mơ̆ng Việt Nam laih anun tơlơi ngă giăng mah Việt Nam hăng Mi.