Jơnum ngă yang hơdor glăi 50 thun Hrơi pơklaih rơngai kual Dơnung, pơlir lŏn ia jing sa hơmâo 48 khul ling tơhan djop anom brua, hăng 13.000 čô tơhan nao rơbat pơtrui, rŭi tơhan hing ang. Ling tơhan dêh čar Khač, Lao hăng Kur ăt nao rŭi.

Ngă lơphet hơmâo pơphun ƀơi kuâ̆n 1, anih jơnum phun pơdong pơ anăp Sang jơnum Thống Nhất. Tơhan rơbat pơtrui hơmâo nao mơ̆ng jơlan Lê Duẩn - Nguyễn Bỉnh Khiêm mut nao truh pơ Sang jơnum Thống Nhất, tơdơi kơ anun rơbat nao pơ lu glông jơlan amăng kuâ̆n 1 (ƀôn prong Hồ Chí Minh) kiăng mơnuih ƀôn sang sem lăng.

Amăng tơlơi ngă ngă lơphet amra pơnah 21 asar phao kơnong tui yŭ adoh Quốc ca Việt Nam. Tơhan rơdêh por - pơgang rơngit adai hơmâo iâu pơhrui hơdôm pluh boh rơdêh bek Mi-8, Mi-17, rơdêh por blah ngă Yak-130 hăng rơdêh por blah ngă Su-30MK2 por pơdar nao rai pơdah brơi mơnuih ƀôn sang lăng.

Črăn rơbat pơtrui, rŭi tơhan, ƀing ling tơhan pơphun rŭi mơ̆ng Jơlan Lê Duẩn-Nguyễn Bỉnh Khiêm, găn nao pơ anăp tơdron lăk đagn war sang jơnum prong Hội trường Thống Nhất. Giong anun, hơdôm khul ling tơhan pơpha nap 4 anăp, rơbat pơtrui, găn nao pơ lu arăt jơlan amăng ƀôn prong.

Bruă pơpha rơbat pơtrui nao 4 anăp lĕ, djru kơ mơnuih ƀôn sang nao ĕp lăng dưi ƀuh anŏ kơdrưh ang ƀing tơhan rơbat, rŭi hyu. Laih dơ̆ng, ƀôn prong Hồ Chí Minh hơmâo dưum truă 20 boh tivi prong dơr sang ƀơi anih gêh găl brơi kơ lu mơnuih ƀôn sang dŏ ƀơi jơlan ĕp lăng mơ̆ng ataih.