Ƀơi mông tŭ jum, Khua dêh čar ơi Phạm Minh Chính lăi pơtong, Việt Nam lăng yom bruă ngă giăng mah gru grua hiam klă hăng Thụy Điển. Khua dêh čar bơni Group SYRE či tuh pơ alin man pơdong sang bruă pơkra ming glăi bơnal polyester ƀơi Bình Định hăng jua kơtang rơnoh ming pơkra sa thun truh 250.000 tơn, tui hăng gơnam pơkra ming hơdjă rơgoh, hiam klă, ba yua djah djâo bơnal arăng lui rơbêh mơ̆ng sang bruă tơčoh sum ao, kiăng pơgang ayuh hyiăng anih dŏ jum dar tui hăng tơlơi pơtrun jơnum COP26 truh COP28.

Khua dêh čar lăi pơtong, Việt Nam hlăk pơtum kơ bruă pơđĭ kyar bơwih ƀong huă pơhlôm akŏ klôn, pơblih yua mă bruă hơdjă rơgoh, pơtong glăi sa amăng hơdôm bruă mă pơtrut pran jua kiăng pơđĭ kyar hmar hăng hơđong, tŭ mă rơnoh pơhrui glăi GDP mơ̆ng 8% amăng thun 2025 hăng dua mrô amăng hơdôm thun pơ anăp.