Pơhiăp amăng mông jơnum, Khua dêh čar ơi Phạm Minh Chính lăi pơtong, anai lĕ bruă ngă yom biă mă, pơphun djơ̆ hrơi mông yom pơphăn, hơdor glăi tal 50 thun Hrơi pơklaih rơngai kual Dơnung, pơlir truh kih lŏn ia jing sa. Kiăng ngă tui tŭ yua bruă ngă pơkơtưn “Đơ đam dêh čar pơblih pơčeh phrâo, pơblih yua mrô”, Khua dêh čar rơkâo djop anom bruă ping gah, gong gai kơnuk kơna, biă mă ñu pô ngă khua anom bruă, kiăng kơsung nao hlâo, pơđĭ tui tơlơi thâo ba yua mrô, pơtrut pơblih pơčeh phrâo ƀơi plơi pla, anih dŏ mă bruă.

Sang bruă mơdrô pô gơgrong nao hlâo, pơtô ba; Kơnuk kơna gum hrŏm; mơnuih ƀôn sang hur har ngă hrŏm bruă anai tui anăp či ngă: Mơnuih ƀôn sang hăng anom bruă sĭ mơdrô jing anih tong krah, jing pô phun, pran kơtang, pơtrut pran jua phun, ƀing mơnuih rơgơi kơhnâo jing pô aliăng; kơnuk kơna djă pioh anŏ gơgrong ba jơlan, pơtrut ngă tui, ngă gêh găl klă hloh brơi pơđĭ kyar ba yua boh thâo ia rơgơi, pơblih pơčeh phrâo ia rơgơi hăng pơblih ba yua mrô amăng dêh čar.