Khua dêh čar ơi Phạm Minh Chính phrâo kĭ hră pơtrun jao bruă ngă khua jăng jai Jơnum min mơnuih ƀôn sang tơring čar Dak Lak rơwang bruă thun 2021-2026 kơ ơi Nguyễn Thiên Văn.

Tui hăng Hră pơtrun anai, ơi Nguyễn Thiên Văn Kơ-iăng khua Jơnum min mơnuih ƀôn sang tơring čar dưi jao ngă khua jăng jai git gai jơnum min mơnuih ƀôn sang tơring čar Dak Lak mơ̆ng lơ 6/5/2025 truh kơ mông ruah khua phrâo kơ Jơnum min mơnuih ƀôn sang tơring čar rơwang bruă thun 2021-2026.

Ơi Nguyễn Thiên Văn tơkeng thun 1973, djuai ania Yuan, plơi pla tơring čar Nghệ An. Tơlơi hrăm truh kỹ sư Ngă hmua, hrăm cử nhân Luật, Thạc sĩ Hành chính công. Tơlơi hrăm bruă kơđi čar lĕ: gưl dlông. Nguyễn Thiên Văn tom ngă Kơ-iăng khua laih anun khua khul pơlir hơbit anom ngă hrŏm tơring čar, Khua git gai ping gah tơring glông Ea Sup. Blan 6/2023, dưi hơmâo ƀing pơ ala mơnuih ƀôn sang tơring čar Dak Lak ruah đĭ ngă Kơ-iăng khua tơring čar. Hlâo kơ ngă khua tơring čar aka ƀu sit nik anai, Jơnum min mơnuih ƀôn sang tơring čar Dak Lak ƀu hơmâo khua ôh yua ơi Phạm Ngọc Nghị rơkâo pơdơi bruă laih anun hơmâo ƀing pơ ala mơnuih ƀôn sang tơring čar plĕ hră pơsit pơdơi bruă mơ̆ng lơ 25/4/2025.