Jơnum min mơnuih ƀôn sang tơring čar Lâm Đồng git gai pơsir hĭ bruă mă čuah ča čot
Thứ sáu, 10:24, 25/04/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tlam lơ 24/4, amăng mông bưp hăng mă bruă tui tơđar mơng khua mua Jơnum min mơnuih ƀôn sang tơring čar Lâm Đồng, sa, dua anom bơwih ƀong sĭ mơdrô lăi pơthâo kơ bruă mă čuah ča čot mơng kual lŏn mơnai tui akŏ bruă arăng jao gơñu.
Yă Nguyễn Thị Thu Thủy-Khua kông ti TNHH Vitrac Lâm Đồng-lăi pơthâo kơ bruă mă čuah ča čot amăng kual lŏn hơmâo akŏ bruă arăng jao anom bơwih ƀong. Rĭm wŏt anom bruă ba măi mok nao mă lêng kơ hơmâo mơnuih nao pơgăn, lơm anun bruă mă čuah ča čot ăt ƀuh sui laih, ngă rơngiă čuah pơtâo, bơdjơ̆ sat jum dar.
Tŭ mă tơlơi lăi pơthâo, ơi Võ Ngọc Hiệp-Kơ-iăng Khua Jơnum min mơnuih ƀôn sang tơring čar-rơkâo Jơnum min mơnuih ƀôn sang tơring glông Dă Huoai ječ ameč pel ĕp, pơsir hĭ khut khăt bruă ngă soh, ngă rơđah hơdôm bruă djru ba mơng ƀing apăn bruă, lăi pơthâo Jơnum min mơnuih ƀôn sang tơring čar hlâo kơ lơ 15/5 kiăng dưi pơsir hĭ giong mơtăm.
Viết bình luận