Lơ 23/4, Khul khua apăn bruă phun ping gah tơring čar Dak Nông jơnum hăng pơsit hĭ hơdră dăp glăi anom bruă kơnuk kơna gưl să. Mơ̆ng 71 boh să, phường, tơring kual, Dak Nông dŏ glăi 28 boh să, phường. Hơdră dăp glăi djơh hăng anai hơmâo pơdah thâo hăng khul anom bruă pơ ala mơnuih ƀôn sang tơring čar Dak Nông, ƀơi mông jơnum pơphun lơ 25/4 anai. Hlâo kơ anun, Jơnum min mơnuih ƀôn sang tơring čar Dak Nông hơmâo pơpha 148.600 pok hră pơgôp hiăp mơ̆ng ƀing pơ ala kơ mơnuih ƀôn sang ruah khua, yap djop sang anŏ amăng tơring čar kiăng tơña anŏ kiăng, djru pơgôp hiăp.

Boh tơhnal brơi ƀuh, hơmâo 144.643 čô mơnuih ruah khua tŭ ư hăng hơdră pơmut hrŏm, dưi ngă djop rơbêh 96%. Kơ anom bruă kơnuk kơna gưl să, phường, plơi prong Gia Nghĩa hơmâo pơmut jing 3 boh phường kah hăng : akŏ pơdong phường Kơdư Gia Nghĩa, pơmut hĭ hơdôm boh phường Quảng Thành, Nghĩa Thành, Nghĩa Đức hăng să Dak Ha; akŏ pơdong phường Dơnung Gia Nghĩa tui hăng hơdră pơmut glăi hơdôm boh phường Nghĩa Phú, Nghĩa Tân hăng să Dak R’Moan; akŏ pơdong phường Ngŏ Gia Nghĩa pơmut hĭ phường Nghĩa Trung hăng să Dak Nia.